Colosenses 1:12 - Biblia Guarani Tumpa Iñee

¹² Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

Nuevo Testamento Guaraní Pe

¹² Pemee yasoropai ñandeRu pe. Echa jae omee ma peve penoi vaera pembaera opaete iru oñeñono tee Tumpa peguara vae reta pe oñemeeta vae. Echa cuae reta yogüɨreco tembipe pe.

Colosenses 1:12 ပူးပေါင်းရင်းမြစ်များ

1 REYES 6:7

Jare tupao oñemopüa yave, oyapo reta ita oñeopagüe güeru reta vae pe, jáeramo omopüa reta ñogüɨnoi yave mbaetɨ etei oyeendu martillo jare yɨɨ ave tupao pe, ani mbae nunga ïru tembiporu jiero pegua.

1 CRÓNICAS 29:20

Javoi David jei opaete oyemboatɨ ñogüɨnoi vae reta pe: “Añave pemboete yandeYa Tumpa.” Jayave yatɨ vae reta omboete yandeYa, iñemuñagüe reta iTumpa, oyetavatɨka itindɨasɨ reve ombaemboete reta yandeYa jóvai jare mburuvicha guasu jóvai.

SALMOS 116:7

Añave chepuere ma aiko pɨagüive ye, echa yandeYa ipɨakavi chekotɨ;

SALMOS 36:9

echa nde renoi ɨ tekove pegua, ndereño orepuere roikove.

SALMOS 79:13

jare ore tëta ndembae vae reta, ndevecha reta ndekapii jokɨ katúa pegua, romee aveita yasoropai ndeve, ¡rotairarita ndeve jekuae avei rupi!

SALMOS 97:11

Tembipe oyekuaa jupi vae reta peguarä, jare yerovia katu ipɨa jupi vae reta peguarä.

PROVERBIOS 16:1

Kuimbae, oyemongeta mbae oyapo vaerä; ërei yandeYa ko jeita, jókuae yemongeta oyembopo vaerä.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

DANIEL 2:23

Ndeve, cheñemuñagüe reta iTumpa, amee yasoropai ndeve jare romboete, echa chemboarakuaa jare chemomɨ̈rata; añave reikuaauka cheve roeka ndeve vae, reikuaauka cheve mburuvicha guasu omoambeko yae güɨnoi vae.”

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

San Juan 4:23

Ërei oväeta ara, jae ko añave, añetete Tumpa omboete vae reta omboete vaerä Espíritu rupi jare añete rupi kavi. Echa cheRu oeka jökorai ombaemboete vae reta.

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 11:17

Amogüe jäka oyeekɨ yave, jare nde olivo ñana rupigua reñeñonouka jendagüe re, jökorai reyeapo olivo ete jäkarä, jare reiko japo re jare iyaɨsɨ re.

Romanos 15:27

Oecha reta ikavi kuae oyapo vaerä, echa ipía ko judío reta pe. Echa judío reta rupi ou judiombae vae reta pe Tumpa iñee. Jáeramo judiombae vae reta ikavi ko omborɨ vaerä judío reta mbaembae güɨnoigüe pe.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Romanos 9:23

jae omoërakua vaerä iyemboetea tuicha yae vae, omboyekuaa iporoparareko rupi, jókuae omokätɨro ma iyɨpɨ güive chupe reta yemboetea peguarä vae;

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

1 Corintios 9:23

Opaete kuae ayapo ñee ikavi vae jeko pegua, anoi vaerä vi pɨpe chembae.

2 Corintios 11:14

Ërei agüɨye ñanepɨakañɨ kuae re, echa Satanás etei ipuere oyemonde Tumpa iaraɨgua rami.

2 Corintios 5:5

Jare kuaerä Tumpa jökorai yandeapo, omee yandeve Espíritu Santo jae ko oikuaauka jae imbae ete ko yande vae.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 2:18

Echa Cristo rupi mókoi reve yandepuere yaya yandeRu re Espíritu Santo rupi.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Efesios 4:6

metei Tumpa opaete vae Tu, jae ipo pe oï opaete mbaembae, oï opaete rupi jare opaete vae re.

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Efesios 5:4

agüɨye pemiari ñee mbokere, ñee arakuaambae pegua, ñee pɨ̈chɨi, mbaetɨ jaekavi peyapo vaerä vae; ërei kuae pere vaerägüe pemee yasoropai Tumpa pe.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 12:23

Tumpa taɨ tenondegua reta jee oñemoapɨta oï ara pe vae reta re, Tumpa re, opaete vae ojäa vae, kuimbae reta Tumpa ombojupi vae reta iespíritu re,

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Santiago 3:9

Ñanekü pe yamboete yandeRu Tumpa. Pɨpe vi yayepopeyu ïru vae reta re, yepe tëi Tumpa oyapo reta jae etei rami.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.