Colosenses 1:10 - Biblia Guarani Tumpa Iñee

¹⁰ Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Nuevo Testamento Guaraní Pe

¹⁰ Tumpa tapemborɨ, peico cavi vaera. Echa pe reta co jae ñandeYa imbae. Jare corai peico yave, pemboyeroviata co ñandeYa. Jecuae peyeócuai ñandeYa pe icavi vae peyapo vae rupi. Jare jecuae peñemboe Tumpa re, peicuaa cavi yae vaera.

Colosenses 1:10 ပူးပေါင်းရင်းမြစ်များ

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

HABACUC 2:14

Echa yandeYa iyemboetea regua jërakuata opaete ɨvɨ rupi, ɨ omotɨnɨe ɨguasu rami.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 1:13

Cherɨvɨ reta, aipota peikuaa kërai che mbovɨ ye ma ayupavo tëi aja vaerä pépɨri (ërei jekuaeño mbae chemboavai), echa aipota ayeokuai Cristo pe pepɨte pe, ïru judiombae vae reta ipɨte rupi ayeokuai rami.

Romanos 4:12

jaeramiño vi Abraham ko opaete oyembocircuncidauka vae reta tu rami. Jókuae güɨnoi mborogüɨrovia, ñaneñemuñagüe Abraham ndei oyembocircuncidauka mbove güɨnoi mborogüɨrovia vae rami vae reta.

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 5:9

Jáeramo, yaeka yambopɨakatu vaerä yandeYa kuae ɨvɨ pe yaiko ramboeve, ani jae ndive ma ñaï yave.

2 Corintios 9:8

Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:13

yayeapo regua metei ramiño yandeporogüɨrovia pe, jare yaikuaa kavi vaerä Tumpa Taɨ. Yakuakuaa kavi vaerä, Cristo okuakuaa rami.

Efesios 5:10

Jekuaeño peipota peikuaa yandeYa ombopɨakatu vae.

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Colosenses 2:19

Kuae reta mbaetɨ oyeko Cristo re, echa Cristo ko jae oporogüɨrovia vae reta iñäka. Jae ko ombokuakuaa opaete jete, omongaru jare omboyoapɨ jayɨ re jare iyoapɨa pɨa re, Tumpa jemimbota rupi.

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

Colosenses 3:20

Kunumi reta jare kuñatai reta, peñeereendu peru reta pe opaete mbae pe, echa kuae omboyerovia yandeYa.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

2 Timoteo 2:4

Metei sundaro ojo oñeraro vaerä vae mbaetɨ ko oyemoinge ïru mbaembae pe, omboyerovia vaerä oiparavo sundarorä vae.

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Hebreos 11:5

Iporogüɨrovia rupi Enoc oyereraja ɨvɨ güi jekove reve. Mbaetɨ kia ipuere oväe chupe. Echa Tumpa güɨraja ɨvɨ güi. Ndei Tumpa güɨraja mbove, jae ombopɨakatu Tumpa.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

2 Pedro 1:8

Opaete kuaekuae penoi yave jare okuakuaa peré yave, ngaraa peikoiño peparavɨkɨ oyekuaambae, jare peikuaa tëiiño yandeYa Jesucristo regua.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

1 Juan 3:22

oipotagüe mbae yaiporu chupe vae jae omeeta yandeve, yayapo iporookuai reta jare mbaembae omboyerovia vae ramo.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

3 Juan 1:6

Jae reta etei imiari ndeporoaɨu re oporogüɨrovia vae reta jóvai. Ikavi yae ko remborɨ reta vaerä Tumpa pe reyeokuai rami, ojo vaerä ojoa kotɨ.