CANTARES 8:6 - Biblia Guarani Tumpa Iñee

⁶ Cherenoi avei ndepɨa pe, ¡ndeyɨva reikuatía rami! Echa mboroaɨu, ipɨ̈rata yae ko mano rami; tägüɨro, ñamomɨimbae ko tëogüe-rɨru rami. ¡Mboroaɨu, tata jendɨ rami ko!

CANTARES 8:6 ပူးပေါင်းရင်းမြစ်များ

1 CRÓNICAS 11:18

Jayave jókuae mboapɨ jëia vae yogüɨraja filisteo reta jeyupa pe jare güɨnoe ɨ Belén jöke pe ɨkua oï vae güi güɨraja David pe. Ërei David mbaetɨ oipota jou, jaeño opɨyere yandeYa peguarä, jare jei:

SALMOS 120:4

¡Jëia yae vae juvɨ jakuaroviasɨ vae ko oäro! Jare, ¡Urundeɨ jätapɨi ikavi yae vae!

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

ÉXODO 28:21

jare opaete reve doce ita reta, echa doce ko Israel taɨ reta; ita ñavo re toyekuatía jee reta, doce ñemuña vae reta jee ñavo.

PROVERBIOS 25:22

echa jökorai yave, jova pɨ̈tata ko remomarai güi, jare yandeYa omboekoviata ndeve.

PROVERBIOS 6:34

Echa kuimbae jägüɨro vae iyarasɨ yae ko, ngaraa iñɨ̈ro iyepɨ iara oväe yave;

CANTARES 5:8

Kuñatai reta Jerusalén pegua, pomoñera peecha yave aaɨu vae, pere vaerä chupe cheve, amanota ma aaɨu güi.

ISAÍAS 49:16

Mase, chepombɨte re etei ko nderee aikuatía areko, nekësea re amae avei ko.

JEREMÍAS 22:24

YandeYa jei Jeconías, Joacim taɨ, mburuvicha guasu Judá pegua pe: “Tae cheyé aeño: Yepe tëi nde metei moäka-vera mborookuai pegua cheakatu kotɨgua rami chepoäka re, joko güi roekɨta ko,

HAGEO 2:23

Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

NÚMEROS 25:11

—Finees Eleazar taɨ, sacerdote Aarón jɨmɨmino omombɨta chearasɨ Israel iñemuña reta kotɨ, echa jae jägüɨro vi che rami jese reta. Jáeramo, cherägüɨro rupi mbaetɨ opa amboai Israel iñemuña reta.

NÚMEROS 5:14

jare ou yave kuae kuimbae jägüɨro jembireko re; ërei jókuae kuimbae jägüɨro jembireko re, jókuae jembireko jekombae reve yave;

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Romanos 12:20

Jayave, oyovaicho ndekotɨ vae iyɨmbɨaɨ yave, emee tokaru. Jare iɨuve yave, emee toɨu. Echa jökorai yave, jova pɨ̈tata imara güi.

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.