CANTARES 7:6 - Biblia Guarani Tumpa Iñee

⁶ Aaɨu vae, yaipota yae ñamae jese vae; ¡ndekavi yae, nepöra yae!

CANTARES 7:6 ပူးပေါင်းရင်းမြစ်များ

1 REYES 18:19

Emondo añave emboatɨuka opaete Israel pegua reta ɨvɨtɨ Carmelo re, jare cuatrociento cincuenta Baal regua omoërakua vae reta, jare cuatrociento Asera regua omoërakua vae reta, Jezabel ndive okaru vae reta.

SALMOS 45:11

echa nepöra yae, ndepota yaeta mburuvicha guasu; eyetavatɨka jóvai, echa jae ko ndeya.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

CANTARES 4:10

¡Ndeporoaɨu ikavi yae, chereindɨ, chemenda ïrurä vae! ¡Ndeporoaɨu jëe yae vino güi, jare neñemokätía ikavi yae opaete ïru ikäti kavi vae güi!

CANTARES 4:7

¡Roaɨu vae, nepöra yae ko! ¡Täta nderete kavi!

CANTARES 7:10

Aaɨu vae imbae ko che; che ndive ko oyerovia katu.

CANTARES 7:7

Ndepukugüe, karandaɨ pukugüe rami; ndekambɨ reta, iagüe jenembai rami.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.