CANTARES 7:13 - Biblia Guarani Tumpa Iñee

¹³ Mandrágora reta ia otimbo jëe ngatugüe; ñaneröke pe oï oipotagüe mbae ia jëeasɨgüe; mbae ia otinigüe jare oyepoo ramogüe, nde roaɨu vae peguarä ko añovatu.

CANTARES 7:13 ပူးပေါင်းရင်းမြစ်များ

GÉNESIS 30:14

Metei ara Rubén ojo ko pe trigo oyepoo oï yave, jare oväe metei ɨvɨra ia mandrágora jee vae, jare güeru ichɨ Lea pe; jare Raquel jei Lea pe: —Romoñera remee vaerä cheve mbovɨ mandrágora nemembɨ güerugüe.

CANTARES 2:3

Ɨvɨra pɨte pe temitɨ manzana oï rami ko, aaɨu vae, kunumi reta ipɨte pe. ¡Iküaraɨa kavi pe aguapɨ! ¡Iagüe jëe ngatu yae cheve!

CANTARES 4:13

ko raɨ, ipɨau granada oë pɨpe vae, iagüe jëe ngatu vae; ko raɨ mbaepotɨ alheña oï pɨpe vae,

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

CANTARES 6:11

Aja ɨvɨra nogal jee vae jenda pe, aecha vaerä mbae iagüe ɨvɨtu päu ipe kavi vae; aecha vaerä vi uva jokɨ pɨau vae, jare temitɨ granada reta ipotɨ.

CANTARES 8:1

¡Mbae mona nde chekɨvɨ eterä reiko, jókuae chesɨ ombokambu vae! Jökorai yave, roövaitía rupi rovapɨteta jare ngaraa kia opuka cheré;

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!