CANTARES 6:2 - Biblia Guarani Tumpa Iñee

² Aaɨu vae ojo iko raɨ pe, temitɨ ikäti kavi jenda pe. Güɨraja omongaru jɨmba, jare oyasɨa vaerä tüpa-ɨpɨ ipotɨ reta.

CANTARES 6:2 ပူးပေါင်းရင်းမြစ်များ

CANTARES 2:16

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

CANTARES 4:12

Nde, chereindɨ, chemenda ïrurä vae, mbaepotɨ oñekëse kavi vae rami ko nde, ɨesaɨ oñekëse kavi vae, ɨesaɨ oyeokenda kavi vae,

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

CANTARES 4:5

Ndekambɨ reta, guasu chaguakiri, tüpa-ɨpɨ ipɨte rupi okaru rami.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

CANTARES 5:13

jova, temitɨ ikäti kavi vae jenda rami, ani mbaepotɨ ipiche kavi vae rami. Jembe, tüpa-ɨpɨ ipotɨ rami, jókuae ikäti kavi vae mirra oë chugüi rami.

CANTARES 6:11

Aja ɨvɨra nogal jee vae jenda pe, aecha vaerä mbae iagüe ɨvɨtu päu ipe kavi vae; aecha vaerä vi uva jokɨ pɨau vae, jare temitɨ granada reta ipotɨ.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Juan 14:3

Aja ma yave ayapokatu perendarä, ayu yeta pogüɨraja, pe reta vi peiko vaerä che aikoa pe.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”