CANTARES 6:10 - Biblia Guarani Tumpa Iñee

¹⁰ ¿Kia pa ko kuae köembipe rami oyekuaa ou vae? Ipöra yae yasɨ rami, oporoesaka kuaraɨ rami, ¡jëguambae, sundaro jeta vae jëguambae rami!

CANTARES 6:10 ပူးပေါင်းရင်းမြစ်များ

2 SAMUEL 23:4

oikota tembipe ou köe yave vae rami, kuaraɨ jembipe oyekuaa ndeimbove yave, mbaetɨ amapɨtu yave rami. Ama omojeñɨi temitɨ ɨvɨ re vae rami.’

JOB 11:17

Ndeara ikavi yeta, kuaraɨ jembipeasɨ yae ara mbɨte pe rami, yepe tëi pɨtumimbi, ërei jembipe katuta ndeve köe-pota yave rami.

JOB 31:26

Aecha kuaraɨ jembipe, jare yasɨ omoembipegüe.

SALMOS 14:5

Orɨrɨi reta okɨɨye güi; echa Tumpa oï jupi vae reta ndive.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

CANTARES 1:15

Roaɨu vae, ¡ndekavi yae! ¡Oasa ete yé nepöra! ¡Nderesa reta, pɨkasu jesa rami ko!

CANTARES 3:6

¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

CANTARES 6:4

Nde, roaɨu vae, nepöra yae, jare yaipota yae ñamae nderé, tëta guasu Tirsa jare Jerusalén re rami; jëguambae, sundaro jeta vae jëguambae rami.

CANTARES 8:5

¿Kia pa kuae ñuu kotɨ güi ou vae, iñäka omboyeko ou, oaɨu vae iyatiɨ re vae? Ɨvɨra manzana igüɨ pe romomba; joko pe ndesɨ imembɨrasɨ, joko pe ndesɨ oyekuaku, jare rea.

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 13:43

Jayave jupi vae reta oyekuaata Tu iporookuaía pe kuaraɨ jembipe rami. Oipota oyeapɨsaka vae, toyeapɨsaka kuae re.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

Efesios 5:27

jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.

Apocalipsis 1:16

Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 12:1

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.