CANTARES 5:4 - Biblia Guarani Tumpa Iñee

⁴ Aaɨu vae ipo omoinge öke opüa rupi. ¡Jókuae, ou paravete yae cheve!

CANTARES 5:4 ပူးပေါင်းရင်းမြစ်များ

GÉNESIS 43:30

Jayave José mbaetɨ ipɨaguasu oecha ramboeve tɨvɨ, jare oeka kia pe oyaeo vaerä; jökorai oike jo okea pe jare joko pe oyaeo.

GÉNESIS 7:11

Noé seisciento año ma güɨnoi yave; mokoía yasɨ re, diecisiete araa pe etei. Jókuae ara osoro ɨguasu jɨru ɨvɨgüɨ güi, jare ara güi oyepɨyere vi ama guasu.

1 REYES 3:26

Jayave kuña imembɨ oikove vae, omomiari mburuvicha guasu (echa oyandu ipɨatɨtɨ yae imembɨ re), jare jei: —¡Cheya! ¡Emee kuae pe michia raɨ oikove vae, jare agüɨye eyuka! Ërei jókuae ïru jei: —Agüɨye toikove cheveguarä ani ndeveguarä ave, ¡peyasɨa!

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.