CANTARES 5:2 - Biblia Guarani Tumpa Iñee

² Che ake, ërei chepɨa pe oime aï, jare aendu aaɨu vae osapúkai cheve, jei: “¡Eipea cheve, chereindɨ, aaɨu vae, chepɨkasu ikɨambae! ¡Cheäka ɨsápɨi yepeai ko, ayu yave, oa jeta chea re!”

CANTARES 5:2 ပူးပေါင်းရင်းမြစ်များ

GÉNESIS 29:20

Jökorai Jacob oyeokuai Raquel regua chiu año jare mbaetɨecha puku chupe ara reta, echa oaɨu yae.

SALMOS 119:1

Oyerovia ko, jupi rupi yogüɨreko vae reta, yogüɨreko yandeYa iporookuai rupi vae reta.

SALMOS 81:10

Che ko jae ndeYa Tumpa, ɨvɨ Egipto güi nerenoe vae, eyurupeka jare toromoangapɨɨ.

PROVERBIOS 23:26

Cheraɨ, eyeapɨsaka ndepɨa reve cheré, jare emae kavi kërai ko che aiko vae re;

CANTARES 1:16

Roaɨu vae, ¡ndekavi yae! ¡Oasa ete yé ndekavi! ¡Yanderupa kapiata jovɨ kavi vae!

CANTARES 2:10

Aaɨu vae jei cheve: “Epüa eyu, roaɨu vae; maepöra vae.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

CANTARES 2:8

¡Aipo ma ou aaɨu vae! ¡Che aendu ma iñee! Ochäguariko ou ɨvɨtɨ rupi, oporise ou jɨsɨ rupi.

CANTARES 3:1

Pɨ̈tu rupi, cherupa pe aeka aaɨu vae. Aeka tëi, ërei mbaetɨ aväe.

CANTARES 4:7

¡Roaɨu vae, nepöra yae ko! ¡Täta nderete kavi!

CANTARES 4:9

Reipɨɨ chepɨa chegüi chereindɨ, chemenda ïrurä vae; metei remae cherea peño, reipɨɨ, jare jókuae ndeayu regua rupi.

CANTARES 5:11

Ia kavi, oro oyeambae rami; iñäkarachi kavi, jare ia jüuasɨ güɨraü rami.

CANTARES 5:6

Aipea öke, aaɨu vae pe, ërei jae mbaetɨ ma yepe oï joko pe; jare aë jaɨkue, aeka tëi, ërei mbaetɨ aväe, asapúkai tëi chupe, ërei mbaetɨ omboyevɨ cheve.

CANTARES 6:9

ërei meteiño ko chepɨkasu ikɨambae, memɨkuña jaevaeño ko, ichɨ oyeaeä yae jese vae. Kuñatai reta oecha yave omboete yae iñee pe, mburuvicha guasu jembireko reta jare güɨrekoiño vae omboete yae.

CANTARES 7:9

ndeyuru, vino ikavigüe yae vae rami, jókuae jëe ngatu kavi oasa cherembe rupi jare cheräi rupi vae rami ko.

CANTARES 8:7

Opaete ɨ reta, ngaraai ipuere ombogüe mboroaɨu; ɨ̈aka reta ave ngaraai ombogüe. Kia omee yave opaete imbaeyekou mboroaɨu re, oyeyoyaiuka vaeräño ko.

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

ISAÍAS 52:14

Jare ipɨakañɨta nderé jeta vae reta, opaetei oikomegua nderova, kuimbae reta jova güi, jare nepöra opa okañɨ kuimbae ipɨte güi.

DANIEL 8:18

Jae chemomiari oï ramboeve, che amano tëi jare ayepɨso aï joko pe; ërei jae cheätai, jare chemboyemboɨ ye,

ZACARÍAS 4:1

Araɨgua imiari che ndive vae cheke pe chemomba, metei kuimbae oke vae güi oyemomba rami.

San Mateo 7:8

Echa opaete oiporu vae pe, oñemee. Jare oeka vae, oväe. Jare ombopu öke vae pe, oyepea.

San Mateo 8:17

Oyembopo vaerä ñeemombeúa Isaías jei vae. Echa jei: “Jae etei güɨraja yandembaerasɨ reta.”

San Marcos 1:35

Pɨareve pe Jesús opüa ndei köe mbove, jare oë ojo kïrii ngatúa pe. Oyerure vaerä.

San Lucas 22:44

Jesús oiporara yae oï, jare jeiete oyerure Tumpa pe. Jɨai oa ɨvɨ re tugüɨ tuicha otɨkɨ rami.

San Lucas 6:12

Jókuae ara rupi Jesús ojo ɨvɨtɨ guasu re oyerure, jare iköe joko pe oyerure Tumpa pe.

San Lucas 9:32

Ërei Pedro jare jae ndive ñogüɨnoi vae jopeɨ yae, ërei mbaetɨ oke, jare oecha Jesús iyemboetea jare oecha vi jókuae mókoi kuimbae Jesús ndive ñogüɨnoi vae reta.

San Juan 10:4

Jare güɨraja yave opaete imbae reta vecharókai güi, jae oguata tenonde vecha reta pe jare yogüɨraja jaɨkue. Echa oikuaa iñee.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.

Apocalipsis 3:4

Oime jókuae Sardis pe mbovɨ mbaetɨ omongɨa jemimonde vae reta. Jae reta oguatata che ndive jemimonde tïi vae reve, echa jupi.