CANTARES 5:16 - Biblia Guarani Tumpa Iñee

¹⁶ Iyuru, jëeasɨ yae ko. ¡Ipotaa yae ko! ¡Jökorai ko aaɨu vae, jökorai ko chembae, kuñatai reta Jerusalén pegua!

CANTARES 5:16 ပူးပေါင်းရင်းမြစ်များ

2 SAMUEL 1:23

Saúl jare Jonatán aaɨu vae reta, jekove pe ani mano pe ave yepe mbaetɨ oyomboyao reta oyougüi. ¡Güɨraké güi iñäkua yae reta yepi! ¡Yaguapope güi ipɨ̈rata yae reta yepi!

SALMOS 119:103

Neñee, jëe kavi cheyuru pe, jëe yae ei güi cheyuru pe.

SALMOS 148:13

¡Pemboete yandeYa jee, echa jae jeeño ko tuicha yae vae! ¡Iyemboetea tuicha yae, oyapɨraa opaete ara jare ɨvɨ!

SALMOS 19:10

¡Ipotaa yae ko oro güi, oasa yé ipotaa oro ikɨambae güi! ¡Jëeasɨ yae ei güi, ñana rupigua ei güi!

SALMOS 45:2

¡Nde ko jae kuimbae kavi opaete kuimbae reta güi vae! ¡Ñee kavi oë ndeyuru güi! Jáeramo, Tumpa iporerekua nderé jekuae avei pegua.

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

CANTARES 1:16

Roaɨu vae, ¡ndekavi yae! ¡Oasa ete yé ndekavi! ¡Yanderupa kapiata jovɨ kavi vae!

CANTARES 1:2

¡Cheyurupɨte mona nde etei! Echa jëe yae ko ndeporoaɨu vino güi,

CANTARES 1:5

Kuña reta Jerusalén pegua, cherúndai viña, ërei chepöra yae; cherúndai ko, Cedar pegua reta jo guakapi pegua jüu vae rami, chepöra, Salomón jo jöke regua asoya rami.

CANTARES 2:1

Che ko jae mbaepotɨ ɨvɨpe kavi Sarón pegua, ɨvɨtɨ päu ipe kavi vae reta rupi tüpa-ɨpɨ ipotɨ rami.

CANTARES 2:16

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

CANTARES 2:3

Ɨvɨra pɨte pe temitɨ manzana oï rami ko, aaɨu vae, kunumi reta ipɨte pe. ¡Iküaraɨa kavi pe aguapɨ! ¡Iagüe jëe ngatu yae cheve!

CANTARES 4:3

Nderembe pɨ̈ta kavi, inimbo pɨ̈ta vae rami, neñee pöra yae. Nderova, granada ia iyɨvɨte rami neäka-soia igüɨ pe.

CANTARES 6:3

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

CANTARES 7:9

ndeyuru, vino ikavigüe yae vae rami, jókuae jëe ngatu kavi oasa cherembe rupi jare cheräi rupi vae rami ko.

JEREMÍAS 15:16

Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

JEREMÍAS 3:20

Ërei metei kuña jeko kavimbae oeya ime rami, jökorai mbaetɨ ndereko ikavi cheve. Che peYa, jae.

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

Santiago 2:23

Jare oyembopo Tumpa Iñee pe jei vae: “Abraham güɨrovia Tumpa, jókuae iporogüɨrovia rupi omae jese jupi. Jare Tumpa ombojee Abraham, jae ko ivɨa-ïru.”

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.