CANTARES 4:8 - Biblia Guarani Tumpa Iñee

⁸ Eyu che ndive Líbano güi, chemenda ïrurä vae; eyu che ndive Líbano güi. Emae ɨvɨtɨ Amana iyapɨte güi, ɨvɨtɨ Senir jare Hermón iyapɨte güi; yaguapope reta ikua reta güi, yaguapara reta iɨvɨtɨ guasu reta güi.

CANTARES 4:8 ပူးပေါင်းရင်းမြစ်များ

1 REYES 4:33

Imiari vi ɨvɨra reta re jare ñana re, ɨ̈vɨrare Líbano pegua güive ñana ovapetea regua re; imiari vi mɨmba reta re, güɨra reta re, ipɨtía re oguata vae reta re jare jevae ɨ rupigua reta re.

2 REYES 5:12

Abana jare Farfar ɨ̈aka reta Damasco pegua, ¿mbaetɨ pa ikavi opaete ɨ reta Israel pegua güi? Ayeyoe pɨpe reta yave, ¿mbaetɨta pa akuera vi apɨta?” Jare iyarasɨ oyerova ye ojo.

1 CRÓNICAS 5:23

Manasés iñemuña reta oyemboyaogüe yogüɨreko ɨvɨ Basán güive ojoi oya Baal-hermón pe, Senir jare ɨvɨtɨ Hermón pe, echa jeta yae ko oñemuña reta.

SALMOS 45:10

Kuñatai, eyeapɨsaka kavi jaeta ndeve vae re: Neakañɨ nerëtaɨgua güi jare nderu jo pegua reta güi,

SALMOS 72:16

¡Metei poagua oñeotɨ trigo ɨvɨ pe, jare ɨvɨtɨ guasu reta rupi vae! ¡Ia jeta yaeta Líbano pe ɨvɨra jeta rami! ¡Tëta guasu pegua reta tijeta, ñana jeta rami!

SALMOS 76:1

Tumpa regua, Judá pegua reta oikuaa kavi yae; Israel pe jërakua yae ko jee.

SALMOS 76:4

¡CheRu Tumpa, ndeyemboetea ikavi yae vae ko nde! ¡Ndetuicha yae ko opaete ɨvɨtɨ guasu reta oiko ñomai vae güi!

SALMOS 89:12

Nde ko reyapo ɨvɨtuguasu jare arayevɨ; ɨvɨtɨ guasu Tabor jare Hermón otairari reta nderee re.

PROVERBIOS 9:6

Peeya mo ïkotɨa pearakuaambae, jare peikoveta; peiko mo arakuaa katu rupi.”

CANTARES 2:13

Ɨva omboɨpɨ ma ia, uvarupa pe ñaëtu ma ipotɨ ipichegüe. Epüa eyu, roaɨu vae; maepöra vae.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

CANTARES 7:11

¡Aaɨu vae, eyu yaja ko pe! Yapɨta tëta raɨ reta pe.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

EZEQUIEL 27:5

Opaete ndeɨvɨra reta oyeporu vae, oyereru ɨvɨtɨ Senir güi; ɨvɨra pino reta oyereru ɨvɨtɨ Líbano güi, ndeguataka iɨrä.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

DEUTERONOMIO 3:25

Romoñera aasa vaerä aecha jókuae ɨvɨ ikavi yae vae, Jordán güi kutɨ oï vae, jókuae ɨvɨtɨ kavi jare Líbano.’

DEUTERONOMIO 3:9

(Kuae ɨvɨtɨ Hermón, Sidón pegua reta ombojee Sirión, jare amorreo reta ombojee Senir.)

JOSUÉ 12:1

Kuae ko jae mburuvicha guasu reta Israel iñemuña reta omoamɨri ɨ̈aka Jordán güi kuaraɨ oëa kotɨ vae, jare ɨvɨ opɨ̈rogüe reta, ɨ̈aka Arnón güive ɨvɨtɨ Hermón kotɨ, opaete ɨvɨpe kavi Arabá ndive, kuaraɨ oëa kotɨ: