CANTARES 4:15 - Biblia Guarani Tumpa Iñee

¹⁵ Ko raɨ reta pegua ɨ, ɨkua jesaɨ vae, jae ko ɨ Líbano kotɨ güi ou vae rami.

CANTARES 4:15 ပူးပေါင်းရင်းမြစ်များ

SALMOS 46:4

Ɨ̈aka rupi ɨ osɨrɨ vae omboyerovia Tumpa jëta guasu, o mbaemboetea pegua, Tuichagüe yae ete vae oïa.

PROVERBIOS 5:16

¿Repɨyereiñota pa ndeɨesaɨ kaye rupi? ¿Remomboiñota pa ndeɨ oka guasu rupi?

PROVERBIOS 5:18

¡Tandemboyerovia ndeɨesaɨ aeño! ¡Eyerovia katu ndetaɨrusu güive voi ma kuña rereko vae ndive!

ECLESIASTÉS 2:6

Ayapo ɨrɨru guasu reta amboɨru vaerä ɨ, pɨpe amboɨu vaerä cheremitɨ reta;

CANTARES 4:12

Nde, chereindɨ, chemenda ïrurä vae, mbaepotɨ oñekëse kavi vae rami ko nde, ɨesaɨ oñekëse kavi vae, ɨesaɨ oyeokenda kavi vae,

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

ZACARÍAS 14:8

Jare jókuae ara Jerusalén güi oëta ɨ tɨpambae, mbɨte rupi ojota Ɨguasu Jembochɨ vae pe, jare ïru mbɨte rupi ojota Ɨguasu Mediterráneo pe, kuaraɨ guasu iara pe jare iroɨ guasu iara pe.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 7:38

Cheré güɨrovia vae güi osɨrɨta jeta ɨ tekove pegua. Jökorai Tumpa Iñee pe oyekuatía oï.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.