CANTARES 3:6 - Biblia Guarani Tumpa Iñee

⁶ ¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

CANTARES 3:6 ပူးပေါင်းရင်းမြစ်များ

ÉXODO 30:34

YandeYa jei ye Moisés pe: “Eipɨɨ mbaembae ikäti kavi vae, mirra ikavi yae vae, poäpe ikäti kavi vae, ɨvɨra yaɨsɨ ikäti kavi vae gálbano jee vae jare ikäti kavi vae incienso oyeambae; opaete metei rami päve tipoɨ;

PROVERBIOS 7:17

cherupa amokäti kavi mirra pe, áloe jare canela pe.

CANTARES 1:13

Kuimbae aaɨu vae, metei jɨru raɨ mirra rami ko cheve, areko avei chepɨtía re vae.

CANTARES 1:3

ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

CANTARES 3:7

¡Jae ko Salomón ivoɨka! Sesenta sundaro jeia yae vae Israel pegua yogüeru iyɨke rupi;

CANTARES 4:6

Köe jembipe ma ou, jare pɨ̈tu ojo ramboeve, ajata ɨvɨtɨ guasu re, mirra oimea pe, jare ɨvɨtɨ re, incienso oimea pe.

CANTARES 5:13

jova, temitɨ ikäti kavi vae jenda rami, ani mbaepotɨ ipiche kavi vae rami. Jembe, tüpa-ɨpɨ ipotɨ rami, jókuae ikäti kavi vae mirra oë chugüi rami.

CANTARES 5:5

Jayave apüa aipea öke, aaɨu vae pe. Chepo güi otɨkɨ ikäti kavi vae mirra, jare chepoäka güi osɨrɨ öke iyokendaka re ikäti kavi vae mirra.

CANTARES 8:5

¿Kia pa kuae ñuu kotɨ güi ou vae, iñäka omboyeko ou, oaɨu vae iyatiɨ re vae? Ɨvɨra manzana igüɨ pe romomba; joko pe ndesɨ imembɨrasɨ, joko pe ndesɨ oyekuaku, jare rea.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 31:2

YandeYa jei: “Ñuu pe chepɨakavi yae mano güi oasayepe vae reta pe. Israel iñemuña reta yogüɨraja yave ɨvɨ oputuu vaerä vae kotɨ.

OSEAS 9:10

YandeYa jei: “Ñuu pe uva ñaväe rami, aväe Israel; ɨva pɨau ia yagüɨyeɨpɨ vae re rami amae peñemuñagüe reta re. Ërei omboete reta tumpa-raanga Baal-peor, oñemee reta tumpa-raanga reta pe, jare oñereröɨrouka reta jókuae tumpa-raanga reta oaɨu vae ndive.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 12:6

Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Apocalipsis 18:13

ngaraa ma kia ogua canela, mbae ikäti kavi vae, ikäti kavi vae incienso, mirra, ikäti kavi vae, vino, asaite, trigokúi ipɨuasɨ vae, trigo, mburika reta, vecha reta, kavayu reta, käretou reta, tembipɨɨ reta, kuimbae reta jekove.

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;