CANTARES 2:14 - Biblia Guarani Tumpa Iñee

¹⁴ Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

CANTARES 2:14 ပူးပေါင်းရင်းမြစ်များ

JOB 9:16

Che aenɨi yave, javoi jae omboyevɨ cheve yave, mbaetɨta ndipo arovia oyeapɨsaka ko cheñee re vae.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 22:3

Ërei nde ko iyoambae, nde ko Israel iñemuña reta ndemboete vae.

SALMOS 45:11

echa nepöra yae, ndepota yaeta mburuvicha guasu; eyetavatɨka jóvai, echa jae ko ndeya.

SALMOS 45:12

Tëta Tiro pegua kuña reta yogüeruta mbota ndive, nemoñerata mboroparareko re oikokatu yae vae reta.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

SALMOS 68:13

ërei pe reta opa peñemi. ¡Pɨkasu ipepo korepoti pe oñeovagüe rami! ¡Pɨkasu jaa oñeova oro pe rami!

SALMOS 74:19

¡Agüɨye ore ndepɨkasu reta oremee mɨmba pochɨ vae pe! ¡Agüɨye neakañɨ jekuae avei pegua ndembae oiporara vae reta güi!

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

CANTARES 1:15

Roaɨu vae, ¡ndekavi yae! ¡Oasa ete yé nepöra! ¡Nderesa reta, pɨkasu jesa rami ko!

CANTARES 1:5

Kuña reta Jerusalén pegua, cherúndai viña, ërei chepöra yae; cherúndai ko, Cedar pegua reta jo guakapi pegua jüu vae rami, chepöra, Salomón jo jöke regua asoya rami.

CANTARES 1:8

Nde mbaetɨ reikuaa yave, nde, maepöra yae kuñatai reta ipɨte pe vae, emomoe mɨmba reta jaɨkuere; emongaru ndekavara raɨ reta, omaangareko vae reta jeyupa iyɨ́vɨri rupi.

CANTARES 5:2

Che ake, ërei chepɨa pe oime aï, jare aendu aaɨu vae osapúkai cheve, jei: “¡Eipea cheve, chereindɨ, aaɨu vae, chepɨkasu ikɨambae! ¡Cheäka ɨsápɨi yepeai ko, ayu yave, oa jeta chea re!”

CANTARES 8:13

¡Nde, ko raɨ peño reiko vae, emaeño taendu neñee! ¡Cheïru reta oipota ndereendu, eenduka chupe reta neñee!

ISAÍAS 2:21

jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

ISAÍAS 60:8

¿Kia pa kuae reta amapɨtu rami oveve vae, ani pɨkasu reta jaitɨ kotɨ yogüeru vae rami vae?

JEREMÍAS 48:28

Moab pegua reta, peeya tëta guasu reta; pekua ɨ̈vavira kotɨ, jare joko pe peiko, pɨkasu oyembojaitɨ ɨ̈vavira ipäu vae rupi rami.

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

San Mateo 3:16

Jare Juan ombobautisa ma yave, Jesús oë ɨ güi. Jare jupivei oecha ara oyepea, jare oecha vi Tumpa iEspíritu ogüeyɨ jese pɨkasu rami.

Efesios 5:27

jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

1 Pedro 3:4

jaeño tipöra peɨvɨte, pepɨa pe, oikomeguambae vae pe. Ñemomichi pe jare mbɨakatu pe, kuae ko ikavi yae Tumpa pe.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;