CANTARES 2:1 - Biblia Guarani Tumpa Iñee

¹ Che ko jae mbaepotɨ ɨvɨpe kavi Sarón pegua, ɨvɨtɨ päu ipe kavi vae reta rupi tüpa-ɨpɨ ipotɨ rami.

CANTARES 2:1 ပူးပေါင်းရင်းမြစ်များ

1 CRÓNICAS 5:16

Opaete jae reta yogüɨreko Galaad pe, Basán pe jare tëta raɨ raɨ iyɨvɨrigua rupi, jare ɨvɨ Sarón pe jɨmba reta omongarúa rupi, ojoi oväe jembeɨ pe regua.

SALMOS 85:11

añete vae jeñɨita ɨvɨ güi, mbaejupi outa ara güi.

CANTARES 2:16

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

CANTARES 5:13

jova, temitɨ ikäti kavi vae jenda rami, ani mbaepotɨ ipiche kavi vae rami. Jembe, tüpa-ɨpɨ ipotɨ rami, jókuae ikäti kavi vae mirra oë chugüi rami.

CANTARES 6:2

Aaɨu vae ojo iko raɨ pe, temitɨ ikäti kavi jenda pe. Güɨraja omongaru jɨmba, jare oyasɨa vaerä tüpa-ɨpɨ ipotɨ reta.

CANTARES 6:3

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;