CANTARES 1:6 - Biblia Guarani Tumpa Iñee

⁶ Agüɨye pemae cherúndai ko vae re, echa kuaraɨ ko cherapɨ. Chekɨvɨ reta ko pochɨ cheve, javoi chemondo ayangareko vaerä uvarupa re, ¡ërei chembae re ae mbaetɨ ma ayangareko!

CANTARES 1:6 ပူးပေါင်းရင်းမြစ်များ

JOB 30:30

Chepire opa moroü jare osururu, jare chekägüe jasɨ cherete jaku jeko pegua.

SALMOS 69:8

¡Ketɨguaecha aiko cherëtara reta pe, jare chesɨ imembɨ reta mbaetɨ chekuaa rami!

JEREMÍAS 12:6

Echa nderɨkeɨ ani nderɨvɨ jare nerëtara reta ave oñemopüa ndekotɨ, osapúkai púkai ndekotɨ reta. Agüɨye erovia katu, yepe tëi nemomiari kavi reta.

JEREMÍAS 8:21

Aiporara yae, cherëtaɨgua reta oiporara ramo; chembopɨatɨtɨ yae jare akɨɨye yae aï.

LAMENTACIONES 4:8

Ërei añave, jüu yae ete pɨtumimbi güi; mbaetɨ etei ma kia oikuaa kaye rupi vae. Ipire opa oya ikägüe re, ¡otini yae yepea rami!

MIQUEAS 7:6

Echa kunumi omboeteä tu, kuñatai oñemopüa ichɨ kotɨ jare membɨtatɨ imesɨ kotɨ; metei o pegua reta oyovaicho oyokotɨ.

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Mateo 10:25

Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

San Marcos 4:6

Ërei kuaraɨ jasɨ yave opa ipiru, japo matɨä ɨ́vɨkotɨ ojo ramo, otini.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Gálatas 4:29

Ërei jayave rupi kuimbae jemimbota rupi oa vae, oiporarauka jókuae Espíritu Santo imbaepuere rupi oa vae pe. Jökorai vi añave oyeapo yandeve.