CANTARES 1:12 - Biblia Guarani Tumpa Iñee

¹² Mburuvicha guasu oguapɨ ramboeve tenda pe, cheñemokätía otimbo kavi yae.

CANTARES 1:12 ပူးပေါင်းရင်းမြစ်များ

SALMOS 45:1

Tɨnɨeasɨ ñee kavi chepɨa; chekü ombaekuatía vae ilapi isɨrɨkɨ yae rami. ¡Amondota chetairari mburuvicha guasu pe!

CANTARES 1:11

Yayapota ndepoɨrä oro pegua, korepoti pe oñemopöra kavi vae.

CANTARES 7:5

Neäka, ɨvɨtɨ guasu Carmelo rami; ndea, inimbo pɨ̈ta vae rami, ¡mburuvicha guasu oyepókoi oï jese!

San Mateo 22:11

Jare mburuvicha guasu oike omae vaerä jókuae oyeparea chupe vae reta re yave, oecha joko pe metei kuimbae mbaetɨ oyemonde temimonde menda pegua pe vae

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Marcos 14:3

Jare Jesús okaru oï ramboeve Betania pe Simón ipire mbaerasɨ okuise vae jo pe, ou metei kuña güeru reve ɨru raɨ ita alabastro pegua pe, mbae ikäti kavi yae vae nardo pegua jepɨ yae vae. Jókuae kuña oyoka ɨru raɨ, jare opɨyere Jesús iñäka re.

San Juan 12:3

Jayave María güeru medio kilo mbae ikäti kavi vae nardo jee vae jepɨ yae vae jare opɨyere Jesús ipɨ re. Jare omotini ia pe. Jare opaete o tɨnɨe ikäti kavi.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.