Apocalipsis 9:20 - Biblia Guarani Tumpa Iñee

²⁰ Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;

Nuevo Testamento Guaraní Pe

²⁰ Jare opaete ɨvɨ pegua reta mbaeti oyeyucauca cuae mbaeporoyuca reta pe vae mbaeti etei oeya icavi mbae vae jecuaeño oyapo vae. Jecuae omboete reta aña reta jare tumpa-raanga oro pegua vae jare corepoti pegua vae jare bronce pegua vae jare ita pegua vae jare ɨvɨra pegua vae, yepe tei tumpa-raanga reta mbaeti ipuere oecha jare oendu jare oguata.

Apocalipsis 9:20 ပူးပေါင်းရင်းမြစ်များ

2 REYES 22:17

echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta kotɨ, jare mbaetɨta chearasɨ poi.’

2 CRÓNICAS 28:22

Yepe tëi yemoambeko pe güɨnoi vae, jae jeieteño iyoa yandeYa kotɨ,

2 CRÓNICAS 34:25

Echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta reta kotɨ jare mbaetɨta chearasɨ poi.’

SALMOS 106:37

oyuka reta taɨ reta jare tayɨ reta, omee vaerä mbota aña reta pe.

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 41:7

Ɨvɨra pe oikatu oparavɨkɨ vae, omoäta ngatu korepoti pe oikatu oparavɨkɨ vae, martillo pe oparavɨkɨ vae, omoäta ngatu jiero pe oikatu oparavɨkɨ vae, omombeu oyoupe reta omboyagüe ikavi oï yave, javoi oikutu clavo pe jókuae itumpa-raanga reta, agüɨye vaerä okúe.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 25:6

Agüɨye pemboete tumpa ambuae reta; agüɨye peyeokuai chupe reta, agüɨye vi pemboete. Agüɨye pemboarasɨuka yandeYa, pemboete tumpa reta pe aeño peyapo peyeupe vae rupi, jayave jae ngaraa ombou peve mbae ikavimbae.’

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 51:17

Yarakuaambae ko opaete kuimbae reta. Imara opaete tumpa-raanga reta iyapoa, echa jembiapo reta yembotavɨ ko, mbaetɨ jekove.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

MIQUEAS 5:13

opata amboai pegüi pepoki rupi mbae peyapo vae reta, mbae iä reta opata amboai pepɨte güi, ngaraa ye ma pemboete pepo pe peyapogüe reta.

San Mateo 21:32

Echa Juan ou oikuaauka peve jupi vae regua, ërei pe reta mbaetɨ perovia. Ërei mburuvicha peguarä okovara vae reta jare kuña iyaguasa pota vae reta güɨrovia jese. Jare yepe tëi kuae peecha, ërei mbaetɨ peeya peyemongeta ikavimbae vae pepɨa pe oï vae, perovia vaerä Juan.

Hechos 17:29

Tumpa iñemuña ko yande yave, mbaetɨ ko ikavi yae vaerä Tumpa ko jae mbae iä oro pegua, korepoti pegua ani ita pegua, kuimbae reta ipoki rupi oyapo vaeño ko.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Hechos 7:41

Jayave oyapo reta metei toro taɨrusu vae iä, jare omee reta mɨmba oyeyukagüe jókuae tumpa-raanga pe. Omboarete reta jókuae ipo pe oyapo vae.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 32:17

omee reta mɨmba oyeyukagüe aña reta pe, jare mbaetɨ omee reta Tumpa pe; tumpa reta mbaetɨ oikuaa vae reta pe, tumpa ipɨau vae reta, köi güi güeru ramo vae pe, mbaetɨ peñemuñagüe reta omboete vae reta pe.

DEUTERONOMIO 4:28

Joko pe kuimbae reta ipo pe oyapo tumpa reta vae pe peyeokuaita, ɨvɨra pegua jare ita pegua pe, mbaetɨ omae jare mbaetɨ vi oendu, mbaetɨ okaru jare mbaetɨ ipɨ̈túe vae pe.

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

Apocalipsis 15:1

Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

Apocalipsis 16:8

Jare araɨgua irundɨa opɨyere kopa güɨnoi vae kuaraɨ re, jare oñemee kuaraɨ pe mbaepuere oapɨ vaerä ɨvɨ pegua reta.

Apocalipsis 9:19

Echa jókuae kavayu reta güɨnoi mbaepuere oyuka vaerä ɨvɨ pegua reta iyuru pe jare júguai pe. Echa júguai mboi rami ko. Güɨnoi iñäka ipuere vaerä oichuu ɨvɨ pegua reta.

Apocalipsis 9:21

jare mbaetɨ oyepoepɨ reta oporoyuka vae güi, mbaekuaa güi, aguasa ani imonda reta güi.