Apocalipsis 9:11 - Biblia Guarani Tumpa Iñee

¹¹ Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.

Nuevo Testamento Guaraní Pe

¹¹ Jare jocuae tucu reta juvicha guasu metei araɨgua jocuae ɨvɨcua ipɨpucu yae vae pe oico vae co. Jare hebreo iñee pe jae jee co Abadón. Jare griego iñee pe jee co Apolión.

Apocalipsis 9:11 ပူးပေါင်းရင်းမြစ်များ

JOB 26:6

Omanogüe vae reta ñogüɨnoia oyepea oï Tumpa jóvai, oporomokañɨtei vae Abadón mbaetɨ ipuere oñomi chugüi.

JOB 28:22

Oporomokañɨtei vae Abadón jare mano jei reta: “Jërakua yae vae roenduiño jesegua.”

JOB 31:12

Echa tata oporomboai rami vae ko, omboaita Abadón ave, omboaita opaete mbae anoi vae.

SALMOS 88:11

¿Tɨvɨa pe oñemoërakuata ra ndeporoparareko, ani neñee jókuae omanogüe reta ñogüɨnoia pe?

PROVERBIOS 15:11

YandeYa, oecha güɨnoi omanogüe ñogüɨnoia jare tɨvɨa, ¡vɨtei pa kuimbae reta iyemongeta!

San Lucas 8:31

Jayave aña reta omoñera Jesús agüɨye vaerä omondo ɨvɨkua guasu pe.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

San Juan 5:2

Jare oime Jerusalén pe öke Vecha Röke jee vae iyɨpɨ pe metei ɨrɨru tuicha vae ñee hebreo pe Betesda jee vae. Kuae ɨrɨru iyɨ́vɨri rupi oime pandepo korero reta.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 16:16

Jare omboatɨuka reta hebreo iñee pe Armagedón jee vae pe.