Apocalipsis 9:1 - Biblia Guarani Tumpa Iñee

¹ Jayave araɨgua pandepoa omoñee mimbɨguasu, jare aecha metei yasɨtata oa ara güi ɨvɨ pe; jare oñemee chupe ɨvɨkua guasu illave.

Nuevo Testamento Guaraní Pe

¹ Jayave iru araɨgua ombopu mimbɨ guasu. Cinco ma ombopu. Jare aecha metei yasɨtata oa ara güi ɨvɨ pe. Jare oñemee chupe ɨvɨcua ipɨpucu yae vae illave.

Apocalipsis 9:1 ပူးပေါင်းရင်းမြစ်များ

ISAÍAS 14:12

¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

San Lucas 8:31

Jayave aña reta omoñera Jesús agüɨye vaerä omondo ɨvɨkua guasu pe.

Romanos 10:7

ani agüɨye vi ere: ‘¿Kia ra ogüeyɨta ɨvɨkua guasu pe?’ (Kuae ko güeru vaerä Cristo omanogüe reta ipɨte güi.)”

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 1:20

Taikuaauka ndeve mbae re ko oyembojaanga chiu yasɨtata reta chepo cheakatu pe reecha vae jare chiu mechero jenda oro pegua re: Chiu yasɨtata reta, jae ko jókuae chiu tëta reta pe oporogüɨrovia vae reta iaraɨgua reta; jókuae chiu mechero jenda reta reecha vae jae ko chiu tëta reta pe oporogüɨrovia vae reta.

Apocalipsis 11:7

Jare opa ma Tumpa regua omoërakua yave, jókuae mbaeporou ɨvɨkua guasu güi oë vae oñerarota ikotɨ reta jare omoamɨri retata jare oyukata.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 20:1

Jare aecha metei araɨgua ogüeyɨ ou ara güi, güeru ɨvɨkua guasu illave, jare ipo pe metei karena tuicha vae.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 6:13

jare yasɨtata reta oa ɨvɨ pe, metei ɨva ia oa jäka güi ɨvɨtu täta omokana yave vae rami.

Apocalipsis 8:10

Jayave araɨgua mboapɨa omoñee mimbɨguasu, jare oa ara güi metei yasɨtata tuicha vae jendɨ reve metei mechero tuicha vae rami, jare oa mbɨte seri ɨ̈aka reta jare ɨesaɨ reta re.

Apocalipsis 8:12

Jayave araɨgua irundɨa omoñee mimbɨguasu, jare mbɨte seri kuaraɨ, yasɨ jare yasɨtata maratu oasa, jare mbɨte seri opa ogüe reta ara pe jare pɨ̈tu yave.

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.

Apocalipsis 9:2

Jayave oipea ɨvɨkua guasu, jare joko güi oë tätati horno tuicha yae vae güi oë rami. Jare kuaraɨ jare ara oyembopɨtumimbi tätati ɨvɨkua güi oë vae jeko pegua.