Apocalipsis 8:5 - Biblia Guarani Tumpa Iñee

⁵ Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re, jare oyeendu ararɨapu, ñee reta, ama-vera jare ɨvɨkana.

Nuevo Testamento Guaraní Pe

⁵ Jayave araɨgua oipɨɨ jocuae mbae ipiche cavi vae jɨru jare omotɨnɨe tata mesa pe oi vae pe. Jayave omombo ɨvɨ pe. Jare oñeendu ñee reta, jare jɨapu ara, jare oyecuaa amavera reta, jare ɨvɨ ocana.

Apocalipsis 8:5 ပူးပေါင်းရင်းမြစ်များ

1 REYES 19:11

Jae jei chupe: “Eë ikatu pe, jare eñeñono ɨvɨtɨ re cheróvai.” Jare, ko yandeYa ou, jare ɨvɨtu täta yae jare imbaepuere yae vae omondoro ɨvɨtɨ vae, jare oyoka ɨ̈vavira reta vae, ou yandeYa jenonde; ërei yandeYa mbaetɨ ou jókuae ɨvɨtu re. Jare ɨvɨtu jaɨkue ou ɨvɨkana, ërei ngatu yandeYa mbaetɨ ou ɨvɨkana ndive.

SALMOS 18:13

YandeYa ombou iñee ara kotɨ güi, Tuichagüe yae ete vae omoë iñee; amandau jare tätapɨi jendɨ vae rami.

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

LEVÍTICO 16:12

Jaɨkue rupi toipɨɨ metei ikäti kavi vae incienso oyeapɨ pɨpe vae, tomotɨnɨe tätapɨi pe, mɨmba oyeyuka oyeapɨ jese vae cheróvai oï vae güi, jare mókoi poagua togüɨraja incienso ikäti kavi vae oyeyosogüe, jare togüɨroike tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe.

ZACARÍAS 14:5

Jare petekuaraita jókuae ɨvɨtɨ päu ipe kavi rupi, echa jókuae ɨvɨtɨ päu ipe kavi vae ojoita oväe Azal pe; petekuaraita petenondegua reta ɨvɨkana güi otekuarai rami, Uzías oiko mburuvicha guasurä Judá pe yave. CheYa Tumpa outa opaete oñeñono tee vae reta ndive.

San Mateo 24:7

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

San Lucas 12:49

Che ayu kuae ɨvɨ pe tata amboyepota vaerä, jare aipotaecha ma jendɨ oï vae.

Hechos 16:26

Jare güɨramoiño ɨvɨkana tätagüe, jare okana tembipɨɨrɨru iguapɨka. Jupiveiño oyepea opaete öke reta, jare opa oso opaete karena tembipɨɨ reta oñeapɨti pɨpe vae.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 4:5

Jare jókuae tenda güi oë ama-vera, ararɨapu jare ñee reta. Jare jókuae tenda jóvai chiu mechero jendɨ ñogüɨnoi, jae ko Espíritu Santo chiu jembiapo güɨnoi vae.

Apocalipsis 6:12

Jare aecha Vecha kuimbae taɨrusu vae oipea tembikuatía imboyaa ovaa yave, ɨvɨ täta okana. Jare kuaraɨ oyembopɨtumimbi metei tarapo jüu vae rami, jare yasɨ moropɨ̈ta tugüɨ rami,

Apocalipsis 8:3

Jayave ou ïru araɨgua oyemboɨ mɨmba oyeyukagüe oyeapɨ jese vae jóvai, jare güɨnoi ikäti kavi vae incienso oyeapɨ pɨpe vae oro pegua. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae.