Apocalipsis 8:10 - Biblia Guarani Tumpa Iñee

¹⁰ Jayave araɨgua mboapɨa omoñee mimbɨguasu, jare oa ara güi metei yasɨtata tuicha vae jendɨ reve metei mechero tuicha vae rami, jare oa mbɨte seri ɨ̈aka reta jare ɨesaɨ reta re.

Nuevo Testamento Guaraní Pe

¹⁰ Jayave iru araɨgua ombopu mimbɨ guasu. Mboapɨ ma ombopu. Jare oa ara güi metei yasɨtata tuicha vae. Jendɨ oi metei lámpara rami, jare oa jeta ye ye ɨ osɨrɨ vae reta pe jare opaete ɨ jesaɨ vae pe.

Apocalipsis 8:10 ပူးပေါင်းရင်းမြစ်များ

2 CRÓNICAS 32:3

güɨnoi yemongeta mburuvicha imborɨa reta ndive jare isundaro ruvicha reta ndive opa vaerä oñomi ɨ jesaɨ vae reta tëta guasu güi ikatu pe oï vae, jare jae reta ikɨ̈reɨ oyapo jökorai.

ISAÍAS 12:3

Peuta ɨ peyerovia reve, jókuae ɨesaɨ mboromboasayepe pegua güi.

ISAÍAS 14:12

¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

ZACARÍAS 13:8

YandeYa jei: Jare opaete kuae ɨvɨ rupi, mbɨte oasa ye omanota, okañɨtei retata; ërei oimeñota jembɨre pɨpe vae.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Mateo 25:1

Araɨgua mborookuaía, payandepo kuñatai ndei kuimbae ndive oasa vae reta imechero reve reve yogüɨraja oövaiti kuimbae omendata vae rami ko.

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

Apocalipsis 1:20

Taikuaauka ndeve mbae re ko oyembojaanga chiu yasɨtata reta chepo cheakatu pe reecha vae jare chiu mechero jenda oro pegua re: Chiu yasɨtata reta, jae ko jókuae chiu tëta reta pe oporogüɨrovia vae reta iaraɨgua reta; jókuae chiu mechero jenda reta reecha vae jae ko chiu tëta reta pe oporogüɨrovia vae reta.

Apocalipsis 12:4

Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 16:4

Jare araɨgua mboapɨa opɨyere kopa güɨnoi vae ɨ̈aka reta re jare ɨesaɨ reta re, jare opa oyeapo tugüɨrä.

Apocalipsis 6:13

jare yasɨtata reta oa ɨvɨ pe, metei ɨva ia oa jäka güi ɨvɨtu täta omokana yave vae rami.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.

Apocalipsis 9:1

Jayave araɨgua pandepoa omoñee mimbɨguasu, jare aecha metei yasɨtata oa ara güi ɨvɨ pe; jare oñemee chupe ɨvɨkua guasu illave.

Apocalipsis 9:15

Jayave oyora jókuae irundɨ araɨgua reta. Jae reta oñemokätɨro ma mbae año, yasɨ, ara jare ora pe oyuka vaerä mbɨte seri ɨvɨ pegua reta.

Apocalipsis 9:18

Jare tata jare tätati jare azufre kavayu reta iyuru güi oë vae oyuka mbɨte seri ɨvɨ pegua reta.

JUECES 15:11

Kuae oendu yave, Judá pegua reta yogüɨraja tres mil kuimbae ɨvɨkua oï ɨ̈vavira Etam pe vae pe, jare jei reta Sansón pe: —¿Mbaetɨ pa reikuaa filisteo reta güɨnoi ko mbaepuere oreré vae? ¿Maera pa oreñono kuae teko pe? Sansón jei chupe reta: —Jae reta oyapo cheve rami ko che ayapo vi chupe reta.