Apocalipsis 7:2 - Biblia Guarani Tumpa Iñee

² Jare aecha ïru araɨgua ou kuaraɨ oëa kotɨ güi, jare jókuae güeru Tumpa oikove vae oporomokañɨmaa pɨpe vae. Jare iñeeäta reve jei jókuae irundɨ araɨgua reta oñemee mbaepuere güɨrokomegua vaerä ɨvɨ jare ɨguasu vae pe,

Nuevo Testamento Guaraní Pe

^2-3 Jare aecha iru araɨgua ou cuaraɨ oea cotɨ güi, jare jocuae araɨgua güeru Tumpa jecuaeño oico vae imarca. Jayave araɨgua iñeeata reve jei jocuae irundɨ araɨgua reta pe: —Agüɨye perocomegua ɨvɨ reta jare ɨ guasu reta jare ɨvɨra reta, ndei ñaneTumpa jembiócuai reta jesɨva romomarca mbove. Echa jocuae irundɨ araɨgua pe oñemee ma mbaepuere güɨrocomegua vaera ɨvɨ reta jare ɨ guasu reta.

Apocalipsis 7:2 ပူးပေါင်းရင်းမြစ်များ

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

CANTARES 8:6

Cherenoi avei ndepɨa pe, ¡ndeyɨva reikuatía rami! Echa mboroaɨu, ipɨ̈rata yae ko mano rami; tägüɨro, ñamomɨimbae ko tëogüe-rɨru rami. ¡Mboroaɨu, tata jendɨ rami ko!

ISAÍAS 41:2

¿Kia pa omopüa kuaraɨ oëa kotɨ metei mburuvicha guasu, oyapo vaerä che jae vae? ¿Kia pa opa oñono ipo pe tëtaguasu reta, jare mburuvicha guasu reta opa omomichi jóvai; ikɨsepuku pe jare juvɨ pe opa omboai jare omoai moai vaerä kapii rami?

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

2 Corintios 1:22

jare jae ñanemokañɨmaa Espíritu Santo pe, oñono yandepɨa pe Espíritu Santo jae ko oikuaauka jae imbae ete ko yande vae.

Efesios 1:13

Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Apocalipsis 1:3

Oyerovia ko kuae omongeta vae, jare oendu maratuta vae re vae reta, jare oyapo reta yave Tumpa jei vae kuae pe oyekuatía vae. Echa oyearo ma ara reta.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 10:4

Jare chiu vese jɨapu ara güire, che aikuatiata tëi, ërei aendu ñee ara güi jei cheve: “Agüɨye emombeu kia pe jókuae chiu ara jɨapu vae jei vae. Agüɨye eikuatía.”

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.

Apocalipsis 5:2

Jare aecha metei araɨgua ipɨ̈rata vae, iñeeäta reve omoërakua vae jei: “¿Kia pa jupi oyora vaerä chiu tembikuatía imboyaa jare oipea vaerä?”

Apocalipsis 8:3

Jayave ou ïru araɨgua oyemboɨ mɨmba oyeyukagüe oyeapɨ jese vae jóvai, jare güɨnoi ikäti kavi vae incienso oyeapɨ pɨpe vae oro pegua. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae.

Apocalipsis 9:14

jókuae ñee jei araɨgua mimbɨguasu omoñee ramo vae pe: “Eyora jókuae irundɨ araɨgua ɨ̈aka Éufrates iyɨpɨ pe oñeapɨti vae reta.”

Apocalipsis 9:4

Jare Tumpa oyókuai tuku reta agüɨye vaerä güɨrokomegua ñana, ɨvɨra reta jare opaete temitɨ reta. Ërei ipuere oñoöpi mbaetɨ güɨnoi Tumpa ikañɨmaa jesɨva re vae reta.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.