Apocalipsis 5:9 - Biblia Guarani Tumpa Iñee

⁹ jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,

Nuevo Testamento Guaraní Pe

⁹ Jare jae reta ocanta metei canta ipɨau vae. Ocanta corai: —Jupi co nde renoi vaera jocuae libro. Jupi co nde reequi vaera jocuae libro iñemboyaa reta. Echa nde reyeyucauca jare reepɨ Tumpa imbae retara nderugüɨ rupi opaete ɨvɨ ñavoñavo pegua reta ipɨte güi.

Apocalipsis 5:9 ပူးပေါင်းရင်းမြစ်များ

SALMOS 144:9

CheRu Tumpa, atairarita ndeve tairari ipɨau vae pe; arpa payandepo iïcha vae ndive atairarita ndeve.

SALMOS 149:1

¡Petairari yandeYa pe tairari ipɨau vae pe! Toñemee mbaemboete chupe, imbae vae reta iyemboatɨa pe.

SALMOS 33:3

Petairari chupe, tairari ipɨau vae pe, ¡pembaembopu kavi chupe yerovia katu reve!

SALMOS 40:3

Oñono cheyuru pe tairari ipɨau vae, tairari mbaemboete pegua ñaneTumpa pe. Jeta vae kuae oechata, jare ipɨakañɨta, jare oyeko retata yandeYa re.

SALMOS 96:1

Petairari yandeYa pe, tairari ipɨau vae; petairari yandeYa pe, opaete ɨvɨ ipo reta.

SALMOS 98:1

¡Petairari yandeYa pe tairari ipɨau vae, echa oyapo jeta mɨakañɨ reta! ¡Oporomoamɨri imbaepuere tuichagüe jare ikɨambae rupi!

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

DANIEL 3:4

Jare ñee imombeúa osapúkai reve jei körai: “Opaete peveguarä oï kuae mborookuai, tëta reta, tëta guasu reta, jare ïru ñee pe imiari vae reta.

DANIEL 4:1

“Che Nabucodonosor, mburuvicha guasu opaete tëta re, tëtaguasu reta re, jare opaete ïru ñee pe imiari vae reta, ɨvɨ pe yogüɨreko vae reta re vae jae: Mbɨakatu toñemoïru peve.

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.

DANIEL 6:25

Jayave mburuvicha guasu Darío oikuatía opaete vae tëta reta pe jare tëtaguasu reta pe jare ïru ñee pe imiari vae reta opaete ɨvɨ rupi ñogüɨnoi vae reta pe; oikuatía körai: “Mbɨakatu toñemoïru avei peve.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

1 Corintios 6:20

Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.

1 Corintios 7:23

Pe reta ko Tumpa oguagüe vae. Jáeramo agüɨye peyeapo ïru vae reta jembiokuairä.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 5:19

Pemiari reve oyoupe salmo reta rupi, tairari reta Tumpa pegua; pepɨa pe pemboete jare petairari yandeYa pe.

Colosenses 1:14

yandeRu yandereepɨ Taɨ imano rupi, jare iñɨ̈ro yandeyoa reta re.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 11:14

Jare jökorai jei vae reta, oipota jei oeka ko jëtaguasurä;

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

Apocalipsis 10:11

Jayave araɨgua jei cheve: “Remoërakua ñotai ko Tumpa iñee jeta vae tëta reta pe, tëtaguasu reta pe, ñee ambuae mbuae reta pe jare mburuvicha guasu reta pe.”

Apocalipsis 11:9

Jare opaete tëta reta, ñemuña reta, ñee ambuae mbuae reta jare tëtaguasu reta oecha retata jókuae mókoi kuimbae jëogüegüe mboapɨ ara y medio. Ngaraa omaeño reta kia re oñotɨ vaerä.

Apocalipsis 13:7

Jare Tumpa omaeño jese oñeraro vaerä oporogüɨrovia vae reta kotɨ jare omoamɨri vaerä. Oñemee vi chupe mbaepuere opaete ñemuña, tëta reta, ñee ambuae mbuae jare tëtaguasu reta re.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

Apocalipsis 17:15

Jei vi cheve: “Ɨ reta re reecha jókuae kuña iyaguasa pota vae oguapɨ oï vae, oyembojaanga ko tëta reta, jeta yae vae reta, tëtaguasu reta jare ñee ambuae mbuae vae reta re.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”

Apocalipsis 5:6

Jare aecha metei Vecha kuimbae taɨrusu vae oyeyukagüe rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa jae ko Espíritu Santo chiu jembiapo vae opaete ɨvɨ rupi oyemondo vae.