Apocalipsis 3:7 - Biblia Guarani Tumpa Iñee

⁷ Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Nuevo Testamento Guaraní Pe

⁷ Jare eicuatía araɨgua oporogüɨrovia vae Filadelfia pe oñemboatɨ vae reta pe oyeócuai vae pe corai: Cuae jei iyoa mbae vae. Jae co añete vae jei vae. Jae güɨnoi mbaepuere Tumpa omee David pe vae. Jocuae mbaepuere metei onque illave rami co. Echa jae oipea yave metei onque, mbaeti quia ipuere oñoquenda ye. Jae ramiño vi jae oñoquenda yave metei onque, mbaeti quia ipuere oipea ye:

Apocalipsis 3:7 ပူးပေါင်းရင်းမြစ်များ

JOB 11:10

Tumpa oasa kuae rupi yave, oporopɨɨ jare oporoenɨi morojäa pe yave, ¿kia pa ipuereta oyopia?

JOB 12:14

Jae omboai vae, mbaetɨ kia ipuere omopüa ye, oyokenda kuimbae yave, mbaetɨ kia ipuere güɨnoe.

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 16:10

echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

SALMOS 89:18

¡OreYa Tumpa nde ko jae oreyeopiaka! ¡Oreruvicha guasu jae ko Iyoambae Israel pegua!

ISAÍAS 22:22

Jae ipo pe añonota David jo illave; mbaetɨta kia ipuere oyokenda jae oipeagüe, ani oipea jae oyokendagüe.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 47:4

OreReepɨ vae, Tumpa Iyoambae Israel pegua, jae ko jee oreYa Imbaepuere yae ete vae. Jae jei körai:

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

San Mateo 16:19

Ameeta ndeve mbaepuere reipea vaerä araɨgua mborookuaía opaete reñapɨti ɨvɨ pe vae, oñeapɨtita vi ara pe. Jare opaete reyora ɨvɨ pe vae, oyeyorata vi ara pe.

San Mateo 24:35

Ara jare ɨvɨ opata ko, ërei cheñee reta ngaraa opa.

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Lucas 1:32

Jae tuichagüe yaeta, jare jeeta ko Tumpa Tuichagüe yae vae Taɨ. Jare yandeYa Tumpa omeeta chupe iñemuñagüe David iporookuaía;

San Lucas 4:34

—¿Maera pa reyu oremoambeko, Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

Apocalipsis 16:7

Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”