Apocalipsis 3:17 - Biblia Guarani Tumpa Iñee

¹⁷ Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.

Nuevo Testamento Guaraní Pe

¹⁷ “Echa pe reta pere corai: Yaicocatu co. Jeta mbaembae ñanoi. Mbaeti etei mbae oata ñandeve. Jocorai pere. Erei mbaeti peicuaa quirai pepɨatɨtɨ yae, jare peparavete, jare peresa mbae, jare penandi.

Apocalipsis 3:17 ပူးပေါင်းရင်းမြစ်များ

GÉNESIS 3:7

Jayave jesa reta oyepea, jare oikuaa reta inandi yepe yogüɨreko vae; jayave ombovɨvɨ reta ɨva joogüe oñeova reta pɨpe vaerä.

ÉXODO 32:35

Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.

PROVERBIOS 13:7

Amogüe paravete vae oikokatugüe nunga oiko; amogüe oikokatu vae paravete vaeecha oiko.

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 42:19

Mbaetɨi kia jesaä jare iyapɨsaä mbatee cherembiokuai cheremimondo rami vae, mbaetɨi kia jesaä jare iyapɨsaä mbatee cherembiparavo cherembiokuai rami vae.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’

ZACARÍAS 11:5

ogua vae reta oyuka oyemboekombae reve; jare omee vae reta jei: ‘¡Yasoropai cheYa, echa aikokatu ma!’ Iyangarekoa reta ave mbaetɨ mboroparareko güɨnoi jese.

San Mateo 5:3

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

San Mateo 9:12

Ërei Jesús kuae oendu yave, jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka.

San Lucas 1:53

Omoangapɨɨ iyɨmbɨaɨ vae reta mbaembae pe. Ërei oikokatu vae reta omondo ipogüɨrai.

San Lucas 6:24

Ërei, ¡paravete, pe peikokatu vae reta! Echa peyerovia ma.

Romanos 11:20

Añete ko. Mbaetɨ oporogüɨrovia reta ramo ko, oyeekɨuka. Ërei nde reï joko pe, rerovia jeko, jáeramo agüɨye peyembotuicha. Peipoɨuño.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Romanos 7:24

¡Këraita pa aiko! ¿Kia ra cheyorata mano imbaepuere oï cheré vae güi?

2 Pedro 1:9

Ërei opaete kuaekuae re oata vae omae kaviä ko; jesaä ko, ñakañɨ ko Tumpa omboai chugüi iyoa oasagüe reta vae güi.

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 3:16

Jare mbaetɨ chemotareɨ ani cheraɨu ramo romombota, yandeyuru güi mbae yamombo yayuguaru reve rami.