Apocalipsis 22:19 - Biblia Guarani Tumpa Iñee

¹⁹ Oime yave kia kuae ñee reta oekɨ kuae tembikuatía pe oyekuatía oï vae, Tumpa opɨ̈rota chupeguarä vae tembikuatía tekove pegua güi jare tëta guasu oñeñono tee Tumpa peguarä vae pe jare mbaembae reta oyekuatía oï kuae tembikuatía pe vae.

Nuevo Testamento Guaraní Pe

¹⁹ Jare oime yave quia ñee cuae tupapire pe ñogüɨnoi vae reta oipotata omboai vae, Tumpa ngaraa omaeño jese jou vaera jocuae ɨvɨra tecove opa mbae vae pegua ia. Ngaraa vi omaeño jese oique vaera tenta oñeñono tee Tumpa peguara vae pe. Ngaraa vi omaeño jese güɨnoi vaera imbaera mbaembae icavi vae cuae libro pe oyecuatía oi vae.

Apocalipsis 22:19 ပူးပေါင်းရင်းမြစ်များ

SALMOS 69:28

Opa vi emboai oikove vae reta jee oyekuatía ñogüɨnoia güi, jare agüɨye toyekuatía jupi vae reta jee ipɨte pe.

ÉXODO 32:33

Ërei yandeYa jei Moisés pe: —Chekotɨ oyapo mbaeyoa vaeño amboaita cherembikuatía güi.

PROVERBIOS 30:6

Agüɨye emoïru Tumpa iñee reta, agüɨye vaerä omboeta ndeve, agüɨye vaerä ndeapu.

San Lucas 11:52

¡Paravete, pe mborookuai re oporomboe vae reta! Echa mbaetɨ pemboe ïru vae reta oikuaa vaerä Tumpa. Pe reta etei mbaetɨ peike, jare oike tëi vae peyopia.”

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

Apocalipsis 1:3

Oyerovia ko kuae omongeta vae, jare oendu maratuta vae re vae reta, jare oyapo reta yave Tumpa jei vae kuae pe oyekuatía vae. Echa oyearo ma ara reta.

Apocalipsis 11:2

Ërei tupao joka ikatu pegua eeyaño, agüɨye ejäa, echa jókuae oka oñemee judiombae vae reta pe. Jae reta opɨ̈rota tëta guasu oñeñono tee Tumpa peguarä vae re cuarenta y dos yasɨ.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 2:26

Oporomoamɨri vae jare oyapo cheparavɨkɨ omboapɨ regua vae pe, che ameeta chupe güɨnoi vaerä mbaepuere tëtaguasu reta re.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”

Apocalipsis 22:12

YandeYa jei: “¡Mase, ko ayu yeta ɨmambae! Jare aruta mbota amboekovia vaerä metei ñavo pe jembiapo oï rupi.

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.