Apocalipsis 22:18 - Biblia Guarani Tumpa Iñee

¹⁸ Opaete kuae ñee reta oyekuatía oï kuae tembikuatía pe vae oendu vae reta pe jae: Oime yave kia kuae ñee reta omoïruta vae, Tumpa güeruta jese tembiporara reta oyekuatía oï kuae tembikuatía pe vae.

Nuevo Testamento Guaraní Pe

¹⁸ Ñee cuae tupapire pe ñogüɨnoi vae reta oicuauca oyeapota vae. Che amombeu opaete cuae ñee reta oendu vae reta pe cuae: Oime yave quia cuae ñee reta ndive iru ñee reta omoiruta vae, Tumpa omeeta chupe oiporara vaera susere cuae tupapire pe oyecuatía ñogüɨnoi vae reta.

Apocalipsis 22:18 ပူးပေါင်းရင်းမြစ်များ

PROVERBIOS 30:6

Agüɨye emoïru Tumpa iñee reta, agüɨye vaerä omboeta ndeve, agüɨye vaerä ndeapu.

LEVÍTICO 26:18

Ërei opaete kuaekuae reve mbaetɨño peendu cheve yave, che ayerovata pekotɨ aiporarauka vaerä peve chiu ye, peyoa reta jeko pegua.

LEVÍTICO 26:28

che ayovaichota vi pe ndive chearasɨ reve, jare aiporaraukata peve chiu ye, peyoa reta re.

LEVÍTICO 26:37

peyomboavai güi peyopɨakata ñeraro güi otekuarai vae rami, yepe tëi mbaetɨ kia peraɨkuemoña; ¡ngaraa pepuere perovaicho re!

San Mateo 15:13

Jayave Jesús jei chupe reta: —Opaete temitɨ reta cheRu ara pe oï vae jaeä oñotɨ vae oyeapomondorota ko.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

Apocalipsis 1:3

Oyerovia ko kuae omongeta vae, jare oendu maratuta vae re vae reta, jare oyapo reta yave Tumpa jei vae kuae pe oyekuatía vae. Echa oyearo ma ara reta.

Apocalipsis 15:1

Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

Apocalipsis 15:6

Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 22:10

Jare jei vi cheve: “Agüɨye eyokenda ñee reta maratuta vae re kuae tembikuatía pe oï vae, echa köi yae ma ara oyembopo vaerä.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”

Apocalipsis 22:9

Ërei jae jei cheve: “Agüɨye chemboete. Che Tumpa pe, nerëtara ñeemombeúa reta jare oyapo kuae tembikuatía jei vae reta ayeokuai vae vi ko pe. Emboete Tumpa.”

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei: