Apocalipsis 22:17 - Biblia Guarani Tumpa Iñee

¹⁷ Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Nuevo Testamento Guaraní Pe

¹⁷ Jare Espíritu Santo jare Vecha-raɨ ndive omendata vae jei: —Eyu. Jare oendu vae tei: —Eyu. Iyúe vae ipuere ou cuae pe. Oipotagüe vae ipuere jou ɨ tecove opa mbae vae pegua jepɨ mbae reve.

Apocalipsis 22:17 ပူးပေါင်းရင်းမြစ်များ

SALMOS 34:8

Peeka jare peikuaa, ikavi ko yandeYa. ¡Oyerovia yae ko kuimbae, jese oyeko vae!

ISAÍAS 12:3

Peuta ɨ peyerovia reve, jókuae ɨesaɨ mboromboasayepe pegua güi.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

EZEQUIEL 47:1

Jare jókuae kuimbae jekuae chemboyerovauka ye tupao jöke kotɨ. Jayave aecha ɨ oë öke igüɨ güi, kuaraɨ oëa kotɨ, echa tupao omae oï kuaraɨ oëa kotɨ. Ɨ oë igüɨ kotɨ güi, tupao iyakatu kotɨ güi, mɨmba oyeyukagüe oyeapɨ jese vae güi arayevɨ kotɨ.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Juan 1:37

Jare jókuae mókoi jemimboe oendu yave, yogüɨraja Jesús jupíe.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:11

Jayave kuña jei Jesús pe: —CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae?

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 4:29

—Peyu pemae kuimbae opaete ayapogüe omombeu cheve vae re. ¿Jaeä ra ko Cristo?

San Juan 7:37

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

1 Corintios 2:12

Jare yande mbaetɨ yamboresive espíritu kuae ɨvɨ pegua. Jaeño Espíritu Santo Tumpa güi ou vae, yaikuaa vaerä mbaembae Tumpa omee yandeve vae.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Apocalipsis 21:9

Jayave jókuae chiu araɨgua reta chiu kopa chiu mbaesusere taɨkuegua tɨnɨe güɨnoi vae güi metei ou chekotɨ jare jei cheve: “Eyu kuae pe, taechauka ndeve Vecha kuimbae taɨrusu vae imenda ïrurä vae.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”