Apocalipsis 22:15 - Biblia Guarani Tumpa Iñee

¹⁵ Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

Nuevo Testamento Guaraní Pe

¹⁵ Echa tenta güi icatu pe oimeta ñogüɨnoi Tumpa iñee ndive oyovaicho vae reta, jare ipaye vae reta, jare iyaguasa vae reta, jare oporoyuca vae reta, jare tumpa-raanga reta omboete vae reta, jare opaete iquɨreɨ yae reve iyapu vae reta —jei.

Apocalipsis 22:15 ပူးပေါင်းရင်းမြစ်များ

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

PROVERBIOS 12:22

Yapu imiari vae, pɨ̈chɨi yae ko yandeYa pe, ërei oyerovia katu omae, añetete rupi imiari vae reta re.

PROVERBIOS 7:27

Jëta jape, jae ko mano kotɨ oporogüɨraja vae.

ISAÍAS 47:12

Epɨta jókuae mbɨrae reta ndive, jókuae mbaekuaa reta ndive, ndetaɨrusu güive remomora vae, yaecha ikavi ndeve, yaecha ra ndemborɨ.

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

ISAÍAS 57:3

Pe, imbaekuaa vae reta, peya katu, menda re oyuvanga vae, jare iyaguasa pota vae reta.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 7:6

Agüɨye pemee oñeñono tee Tumpa peguarä vae yaɨmba reta pe. Jaeramiño vi agüɨye peñono ita ipöra vae reta kuchi reta ñogüɨnoia rupi. Echa opɨ̈rota ko jese reta jare güɨramoi oyerovata pesuu vaerä.

San Mateo 8:12

Ërei mborookuaía pe yogüɨrekota tëi vae reta oyemomboukata pɨtumimbi pe ikatu pe. Joko pe oyaeo retata jare jäi ombokɨrɨrɨuta.

San Juan 8:46

¿Kia pa pegüi reta ipuere jei cheve: “Ndeyoa ko”? Echa che chemiari peve añete vae re. ¿Maera pa mbaetɨ chererovia?

Hechos 8:11

Jáeramo opaete vae oyeapɨsaka kavi jese. Echa jae ichoropa rupi ɨma ma ombotavɨ güɨreko reta.

DEUTERONOMIO 23:18

Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.

Filipenses 3:2

Peyeandu jókuae yaɨmba reta güi, peyeandu oporomboe kavimbae reta güi, peyeandu oporombocircuncida vae reta güi.

Colosenses 3:6

Kuae mbaembae ikavimbae jeko pegua Tumpa iyarasɨ oitɨ iñeereendumbae reta re,

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.