Apocalipsis 21:27 - Biblia Guarani Tumpa Iñee

²⁷ Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.

Nuevo Testamento Guaraní Pe

²⁷ Erei ngaraa etei oique jocuae tenta pe oipotagüe iquɨa vae jare oipotagüe pochɨi vae oyapo vae jare oipotagüe iyapu vae. Jaeño Vecha-raɨ ilibro tecove opa mbae vae pegua pe jee oyecuatía oi vae reta oiqueta joco pe.

Apocalipsis 21:27 ပူးပေါင်းရင်းမြစ်များ

SALMOS 101:8

Ndeimbove ñavo opata amboai ɨvɨ güi iyoa vae reta, ¡opata amokañɨtei yandeYa jëta guasu güi ikavimbae iyapoa reta!

ÉXODO 32:32

Añave romoñera, neɨ̈ro chupe reta iyoa re, jare mbaetɨ yave neɨ̈ro, ¡emboai cheree tembikuatía pe reikuatía vae güi!

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

EZEQUIEL 44:9

Körai jei yandeYa Tumpa: Metei ave ketɨgua ipɨa oyembocircuncidambae jare isoo oyembocircuncidambae, mbaetɨta oike chetupao pe, opaete ketɨgua reta yogüɨreko Israel iñemuña reta ipɨte pe vae.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

LEVÍTICO 13:46

Opaete ara ipere oiko ramboeve topɨta ikavimbae, toiko jaeño teyupa güi ikatu pe.

ZACARÍAS 14:21

Jare opaete yapepo Jerusalén jare Judá pegua oñeñono teeta yandeYa Imbaepuere yae ete vae peguarä: Yogüeru mbota omee vae reta oiporu vaerä, pɨpe omboyɨ vaerä mɨmba oñererökuaveegüe, jókuae ara mbaetɨta ma omaemee vae yandeYa Imbaepuere yae vae itupao pe.

NÚMEROS 12:15

Jökorai María oñerenoe teyupa güi chiu ara pegua, jare Israel iñemuña reta mbaetɨ yogüɨraja joko güi María ou ye regua oyea jae reta ndive.

NÚMEROS 5:3

Kuimbae ani kuña pemombo teyupa güi ikatu pe, agüɨye vaerä omongɨa teyupa che aiko pɨpe jae reta ndive vae.”

San Mateo 13:41

Che Kuimbaerä ayeapo vae ambouta chearaɨgua reta, omboatɨ reta vaerä opaete iyoa vae reta jare ikavimbae iyapoa reta cheporookuaía güi.

San Marcos 7:2

Jae reta oecha amogüe Jesús jemimboe reta okaru ñogüɨnoi oyepoembae reve. Jáeramo omboeko reta.

San Lucas 10:20

Ërei agüɨye peyerovia mbaepuere aña reta re penoi vae re. Ërei peyerovia peree oyekuatía ma oï ara pe vae re.

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.