Apocalipsis 21:12 - Biblia Guarani Tumpa Iñee

¹² Jare güɨnoi ikësea tuicha jare ɨvate yae vae, doce jöke vae. Jare jöke ñavo oï metei araɨgua. Jare jöke ñavo re oyekuatía doce Israel iñemuña jee.

Nuevo Testamento Guaraní Pe

¹² Jare tenta iquesea tuicha jare ɨvate, jare güɨnoi doce jonque. Jare jonque reta pe ñogüɨnoi doce araɨgua reta. Jare jonque reta re oyecuatía ñogüɨnoi Israel pegua reta jee. Echa doce atɨ co jocuae Israel pegua reta.

Apocalipsis 21:12 ပူးပေါင်းရင်းမြစ်များ

2 CRÓNICAS 9:19

oï vi joko pe doce yaguapope reta iä jókuae yeupika oñepɨ̈ro jese vae ñavo iyɨke yɨke re, ¡mbaetɨi jókuae nunga guapɨka oyeapo ïru mborookuaía reta rupi!

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 12:27

Tëta guasu Jerusalén ikësea oñeñono tee vaerä Tumpa peguarä yave, oekauka reta opaete levita reta ketɨ ketɨ ñogüɨnoia kotɨ güi, yogüeru vaerä Jerusalén pe oyapo reta jókuae ñeñono tee, jare arete mbaemboete pegua tairari ndive, tembiporu reta tairari pegua platillo, ngitara jare arpa raɨ reta ndive.

SALMOS 122:7

Toiko mbɨakatu nekësea reta japɨpe, toiko mbutuu mburuvicha reta jo reta rupi.

SALMOS 51:18

CheYa Tumpa, eyapo ikavi vae Sión pe, ndepɨakavi jeko pegua; emopüa ye Jerusalén ikësea.

ÉXODO 28:21

jare opaete reve doce ita reta, echa doce ko Israel taɨ reta; ita ñavo re toyekuatía jee reta, doce ñemuña vae reta jee ñavo.

ISAÍAS 54:12

neventana reta ayapota ita ipöra vae pegua katuai, neröke reta ita ipöra vae carbunclo jee vae pegua katuai, opaete nekësea ayapota ita ipöra vae pegua katuai.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 16:22

Jare metei ara jókuae kuimbae paravete vae omano, jare araɨgua reta güɨraja Abraham oïa pe. Jare kuimbae oikokatu vae omano vi jare oñotɨ reta.

Hechos 26:7

Jare jókuae doce oreñemuñagüe reta iñemuña reta vi güɨrovia Tumpa ombopota ko güɨrökuavee chupe reta vae. Jare oyeokuai reta Tumpa pe ikɨ̈reɨ reve ara rupi jare pɨ̈tu rupi. Mburuvicha guasu Agripa, kuae che vi arovia ramo, judío reta chemboeko.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Apocalipsis 21:13

Kuaraɨ oëa kotɨ mboapɨ öke reta; ɨvɨtuguasu kotɨ mboapɨ öke reta; arayevɨ kotɨ mboapɨ öke reta, kuaraɨ oikea kotɨ mboapɨ öke reta.

Apocalipsis 21:15

Jare imiari cheve vae güɨnoi täkuarasɨ mbae oñejäa pɨpe vae rami vae oro pegua, oñejäa vaerä tëta guasu, jöke reta jare ikësea.

Apocalipsis 21:25

Jare ngaraa etei oyeokenda tëta guasu jöke reta ara rupi, echa ngaraa vi oime pɨ̈tu joko pe.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.