Apocalipsis 20:8 - Biblia Guarani Tumpa Iñee

⁸ jayave oëta ombotavɨ vaerä opaetei tëtaguasu reta ɨvɨ pegua, ojota Gog pe jare Magog pe omboatɨ vaerä ñeraro peguarä. Jeta yaeta ko, ɨvɨkuitï ɨguasu jembeɨ pe oï rami.

Nuevo Testamento Guaraní Pe

⁸ Jayave ojota opaete ɨvɨ rupi ombotavɨ vaera jeta ɨvɨ ñavoñavo pegua reta. Ojota Gog pɨri jare Magog pɨri. Jare omboatɨta jeta yae vae oñoraro vaera Cristo ndive. Jae reta jeta yaeta co, ɨvɨcuiti ɨ guasu jembeɨ pe oi rami.

Apocalipsis 20:8 ပူးပေါင်းရင်းမြစ်များ

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

2 CRÓNICAS 18:21

Jare jae jei chupe: “Ajata amee ñee apu pegua opaete ñeemombeúa mburuvicha guasu pe oyeokuai vae reta pe.” Jare yandeYa jei: “Ekua eyapo jökorai jare embotavɨuka.”

ISAÍAS 10:22

Israel, yepe tëi ɨguasu jembeɨ pegua ɨvɨkuitï rami reyembojeta, jókuae reta güi jembɨregüeño ko oyerova yeta. Kañɨtei oñemoërakua vae oyeapo tai jupi rupi.

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

EZEQUIEL 38:1

YandeYa jei cheve:

EZEQUIEL 38:2

“Nde kuimbae, emae ɨvɨ Magog kotɨ, jare emoërakua maratuta vae Gog kotɨ, tëta Mesec jare tëta Tubal juvicha kotɨ.

EZEQUIEL 39:1

Nde kuimbae, emoërakua maratuta vae Gog kotɨ, ere chupe: “CheYa Tumpa jei körai: ‘Che ayovaicho ndekotɨ Gog, tëta Mesec jare tëta Tubal juvicha.

EZEQUIEL 39:6

Jare ambouta tata tëta Magog re jare opaete ipɨagüive ɨguasu jembeɨ rupi yogüɨreko vae reta re. Jare oikuaa retata che ko jae Tumpa vae.

EZEQUIEL 7:2

“Nde kuimbae, che ndeYa jae ɨvɨ Israel kotɨ körai: Oväe ma ara iyapɨ, ou ma oväe opaetei ɨvɨ iyapɨ vaerä.

Hebreos 11:12

Jáeramo vi Abraham indechi yae ma vae güi jeta iñemuña, yasɨtata ara re ñogüɨnoi vae rami jare jeta yae ɨvɨkuitï ɨguasu jembeɨ rupi rami.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 16:14

jae reta ko aña reta iespíritu, mɨakañɨ oyapo vae reta. Jae reta yogüɨraja opaete ɨvɨ rupi mburuvicha guasu reta jëta guasu ñavo rupi omboatɨ oñeraro vaerä Tumpa Imbaepuere yae vae iporojäa iara pe.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 20:3

Jare omombo ɨvɨkua guasu pe. Jayave oyokenda ɨvɨkua jöke jare oñono jese mbae agüɨye vaerä kia ipuere oipea ye. Jökorai oyapo agüɨye vaerä ma ombotavɨ tëtaguasu reta mil año omboapɨ regua. Ërei jaɨkue rupi oyeyorauka yeta michi pegua.

Apocalipsis 7:1

Kuae jaɨkue rupi aecha irundɨ araɨgua reta oyemboɨ ñogüɨnoi ɨvɨ jembeɨ mbeɨ pe. Metei oï kuaraɨ oëa kotɨ, ïru oï kuaraɨ oikea kotɨ, ïru oï ɨvɨtuguasu kotɨ jare ïru oï arayevɨ kotɨ. Jare jae reta oyopia irundɨ ɨvɨtu ɨvɨ rupi oyepeyu vae, agüɨye vaerä oipeyu ɨvɨ, ɨguasu reta jare ɨvɨra reta.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

1 SAMUEL 13:5

Jayave filisteo reta oyomboatɨ oñeraro vaerä Israel iñemuña reta ndive. Oyomboatɨ treinta mil käretou ñeraro pegua, seis mil kuimbae kavayu regua reta, jare jeta kuimbae reta, ɨ jembeɨ pe ɨvɨkuitï jeta yae vae rami; jare oyeupi reta jare oyembojeyupa reta Micmas pe, Bet-avén güi kuaraɨ oëa kotɨ.