Apocalipsis 20:6 - Biblia Guarani Tumpa Iñee

⁶ Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Nuevo Testamento Guaraní Pe

⁶ Oyerovia retata co tenonde oicove yeta yogüeru omanogüe vae reta ipɨte güi vae reta. Echa oñeñono tee Tumpa peguara vae reta co. Jocuae mano mocoia ngaraa ipuere jese reta. Jae reta yogüɨrecota sacerdote retara, oyeócuai vaera Tumpa jare Cristo pe. Jare oporoócuai retata Cristo ndive mil año pegua.

Apocalipsis 20:6 ပူးပေါင်းရင်းမြစ်များ

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

DANIEL 12:12

Oyeroviata ko jókuae ipɨaguasu reve kavi oäro vae, oupitɨ regua mil tresciento treinta y cinco ara.

San Lucas 14:15

Jare metei jae ndive oguapɨ oï mesa pe vae kuae oendu yave, jei Jesús pe: —Oyeroviata ko, Tumpa iporookuaía pe okaruta vae.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”