Apocalipsis 20:11 - Biblia Guarani Tumpa Iñee

¹¹ Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Nuevo Testamento Guaraní Pe

¹¹ Jare aecha metei guapɨa ti vae. Tuicha yae co. Jare aecha vi guapɨa pe oguapɨ oi vae. Jare ɨvɨ jare ara otecuarai jae jóvai güi. Jare mbaeti ma ɨvɨ jare ara jendara.

Apocalipsis 20:11 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

JOB 9:6

Jae ko ɨvɨ omokana, jare omokana ɨvɨ iguapɨka reta.

SALMOS 102:26

Jae reta opata ko okañɨtei, ërei nde reiko aveita; opaete jókuae reta temimonde rami ko indechita; ¡temimonde rami reipoepɨta, jare oyepoepɨ retata!

SALMOS 47:8

¡Tumpa jae ko mburuvicha guasu tëtaguasu reta re! ¡Oguapɨ iguapɨa ikɨambaea mborookuaía pegua pe!

SALMOS 89:14

Ndeguapɨa mborookuaía pegua oï jupi jare sɨmbi vae re; mboroparareko jare añete vae ojo nderenonde.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

San Mateo 11:22

Ërei che jae peve, Tumpa ojäa yave ɨvɨ pegua reta, pe Corazín jare Betsaida peiporara yaeta Tiro jare Sidón oiporara vae güi.

San Mateo 24:35

Ara jare ɨvɨ opata ko, ërei cheñee reta ngaraa opa.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Apocalipsis 12:8

ërei jae reta mbaetɨ ipuere oporomoamɨri jare mbaetɨ ma jendarä ara pe.

Apocalipsis 16:20

Jare opaete ɨvɨ ɨguasu-päu pegua jare ɨvɨtɨ reta opa okañɨtei.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.

Apocalipsis 21:1

Javoi aecha ara ipɨau vae jare ɨvɨ ipɨau vae. Echa ara jare ɨvɨ tenonde oiko vae opa oasa, jaeramiño vi mbaetɨ ma ɨguasu.

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”

Apocalipsis 4:2

Jare jupiveiño Espíritu Santo güɨnoi mbaepuere cheré; jare aecha metei tenda mborookuaía pegua oï ara pe, jare kia oguapɨ oï pɨpe.

Apocalipsis 6:14

Jare ara opa yapúa tupapire rami; jare opaete ɨvɨtɨ reta jare ɨguasu päu pegua ɨvɨ reta oyembosɨrɨ jenda güi.