Apocalipsis 2:20 - Biblia Guarani Tumpa Iñee

²⁰ Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

Nuevo Testamento Guaraní Pe

²⁰ “Erei chepuere pomboeco cuae re: Pemaeño jocuae cuña Jezabel jee vae re oporomboe vaera pepɨte pe. Jae jei jae co metei cuña Tumpa iñee omombeu vae. Erei jae ombotavɨ cherembiócuai reta. Echa jae omombeu chupe reta oyapo vaera aguasa jare jou vaera tembíu tumpa-raanga reta pe oñererocuavee vae.

Apocalipsis 2:20 ပူးပေါင်းရင်းမြစ်များ

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

1 REYES 17:13

Elías jei chupe: —Agüɨye ekɨɨye; ekua jare eyapo nde rere rami; ërei eyapo cheve räri joko güi metei michi mbɨyape tanimbugüɨ pe oyɨ vae, jare eru cheve; jare jaɨkue rupi eyapo ndeyeupe jare nemembɨ peguarä.

1 REYES 17:4

Jókuae ɨ̈aka raɨ güi reɨuta; jare che ayókuai güɨraü guasu reta omee vaerä joko pe rekaru.”

2 REYES 9:22

Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

2 REYES 9:7

Nde opata nderuvicha Acad iñemuña reta remboai, jökorai reyepɨta cheñeemombeúa reta jare opaete ïru cherembiokuai reta imano re, Jezabel oyukagüe reta.

ÉXODO 34:15

Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

EZEQUIEL 13:17

Nde kuimbae, añave emboeta kuña reta nerëtaɨgua iyeugüi aeño mbae omoërakua vae reta pe, emombeu maratuta vae ikotɨ reta.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

1 Corintios 10:28

Ërei kia jei yave peve: “Kuae mɨmba ko omee tumpa-raanga reta pe vae.” Agüɨye peu omombeu peve vae jeko pegua jare agüɨye vaerä pepɨa pe peyemboeko. Echa kuae ɨvɨ jare opaete mbaembae oï pɨpe vae yandeYa imbae ko.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:4

Ërei oime mbae jae vaerä ndeve, jae ko mbaetɨ ma cheraɨu tenonde yave rami.