Apocalipsis 2:17 - Biblia Guarani Tumpa Iñee

¹⁷ Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Nuevo Testamento Guaraní Pe

¹⁷ “Ipuere oendu vae toyeapɨsaca Espíritu Santo oporogüɨrovia vae oñemboatɨatɨ vae reta pe jei vae re. Oporomoamɨri vae pe ameeta jocuae maná mbaeti oyecuaa vae. Ameeta vi chupe metei ita ti vae. Jocuae ita re oime metei tee oyecuatía oi. Jaeño ameeta ita chupe vae oicuaata jocuae tee. Jocorai eicuatía —jei—.

Apocalipsis 2:17 ပူးပေါင်းရင်းမြစ်များ

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

ÉXODO 16:33

Jare Moisés jei Aarón pe: —Eñono maná mókoi kilo rupi metei mbaerɨru pe, jare eñono yandeYa jóvai, jare toñeñovatu peñemuña reta peguarä.

PROVERBIOS 14:10

Yande aeño yaikuaa yandeyegua, yandepɨatɨtɨ yave ani yayerovia yave.

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

ISAÍAS 56:4

Echa yandeYa jei: “Eunuco reta omboete yave cheara mbutuu, yogüɨreko yave jaegüe rupi jare cheporogüɨrökuavee päve rupi,

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 62:2

Jayave jeta vae reta oechata ndeporogüɨroasayepe, jare opaete mburuvicha guasu reta oechata ndeyemboetea. Jayave ndembojee pɨauta, tee ipɨau pe, yandeYa etei ndembojeeta.

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

ISAÍAS 65:15

Peeyata peree cherembiparavo reta oyepopeyu pɨpe vaerä. Jökoraita che peYa poyukauka, ërei cherembiokuai reta ambojee pɨauta, ïru tee pe.

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Marcos 7:16

Oipota oyeapɨsaka vae, toyeapɨsaka kuae re.

San Juan 4:32

Jesús jei chupe reta: —Oime anoi cherembiurä, pe reta peikuaambae vae.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

Colosenses 3:3

Echa pemano ma ko, jare perekove oime ma oï Cristo ndive Tumpa re.

Apocalipsis 14:3

Jare otairari reta metei tairari ipɨau vae Tumpa iguapɨa jare jókuae irundɨ oikove vae reta jare tenondegua okuakuaa vae reta jóvai. Jare mbaetɨ kia ipuere oikuaa jókuae tairari, jaeño jókuae ciento cuarenta y cuatro mil Cristo oepɨ ɨvɨ pegua reta ipɨte güi vae reta.

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 3:22

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’ ”

Apocalipsis 3:6

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’