Apocalipsis 19:18 - Biblia Guarani Tumpa Iñee

¹⁸ peu vaerä mburuvicha guasu reta isoogüe, sundaro ruvicha reta isoogüe, kuimbae jëia yae vae reta isoogüe, kavayu reta isoogüe, kavayu regua reta isoogüe, opaete vae reta isoogüe: Tembiokuai jare tembiokuaimbae isoogüe, michia reta jare okuakuaa vae reta isoogüe!”

Nuevo Testamento Guaraní Pe

¹⁸ Peyu peu mburuvicha guasu reta jetegüe, jare sundaro reta juvicha reta jetegüe, jare cuimbae ipɨrata yae vae reta jetegüe. Peyu peu cavayu reta jetegüe, jare opo jese vae reta jetegüe. Peyu peu jeta yae cuimbae reta jetegüe - mbaeti oyeócuai vae reta jetegüe jare oyeócuai vae reta jetegüe, cuimbae michi vae reta jetegüe jare cuimbae tuicha vae reta jetegüe —jei.

Apocalipsis 19:18 ပူးပေါင်းရင်းမြစ်များ

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 34:20

Jáeramo, ameeta jae reta opa vaerä oa tovaicho reta, oeka oyuka vaerä vae reta ipo pe, jare jëogüegüe reta chucha reta jembiurä jare mbaeporou reta jembiurä.

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

EZEQUIEL 29:5

Jare romombota ñuu pe, opaete jókuae ɨ pegua pira reta ndive, ɨvɨ ipombae pe reata reo, ngaraa kia ndereupi neotɨ vaerä. Mbaeporou reta jare uruapúa reta opata ndereu.

EZEQUIEL 39:17

YandeYa jei cheve: “Nde kuimbae, ere oipotagüe güɨra reta pe, jare opaete mɨmba pochɨ vae reta pe: Peyomboatɨ jare peyu; peyomboatɨ oipota rupi güi ambaeyuka pevea pe ɨvɨtɨ reta Israel pegua pe, peu soo jare peɨu tugüɨ re.

San Mateo 24:28

Echa maerëogüe oïa pe oyemboatɨ uruapúa reta.

San Lucas 17:37

Jayave Jesús jemimboe reta oparandu chupe: —OreYa, ¿kia pe pa oyeapota kuae? Jayave Jesús jei chupe reta: —Maerëogüe oïa pe oyemboatɨta uruapúa reta.

DEUTERONOMIO 28:26

Perëogüegüe oikota chucha reta jare mbaeporou reta jembiurä, jare mbaetɨta kia omondo chugüi vae.

Apocalipsis 11:18

Jare tëtaguasu reta iyarasɨ. Ërei ndearasɨ oväe ma rejäa vaerä omanogüe reta, jare remboekovia vaerä nderembiokuai ñeemombeúa reta, oporogüɨrovia vae reta, jare omboete nderee vae reta michia reta jare okuakuaa vae reta, jare remboai vaerä ɨvɨ omboai vae reta.”

Apocalipsis 13:16

Jare oyókuai opaete vae, michia reta, okuakuaa vae reta, oikokatu vae reta, iparavete vae reta, tembiokuaimbae reta jare tembiokuai reta güɨnoi vaerä metei kañɨmaa ipo iyakatu re ani jesɨva re.

Apocalipsis 17:16

Jare jókuae payandepo jäti reecha mɨmba guasu re vae omotareɨta jókuae kuña iyaguasa vae, omombota oeya inandi reve; jouta kuña isoo jare oapɨ tata pe;

Apocalipsis 19:5

Jare oë metei ñee Tumpa iguapɨa güi jei: “Pemboete ñaneTumpa, pe opaete jembiokuai reta jare oipoɨu chugüi vae, michia reta jare okuakuaa vae reta.”

Apocalipsis 6:15

Jare mburuvicha guasu reta ɨvɨ pegua, mburuvicha reta, oikokatu vae reta, sundaro ruvicha reta, mbaepuere güɨnoi vae reta, jare opaete tembiokuai reta jare opaete tembiokuaimbae reta oñemi ɨvɨkua reta rupi jare itakua ɨvɨtɨ rupigua reta rupi;

1 SAMUEL 17:44

Javoi jei ye David pe: —¡Eyu chekotɨ! ¡Tamee ndesoo chucha reta pe jare mbaeporou reta ñana rupigua pe!

1 SAMUEL 17:46

Jae nemeeta añave chepo pe, che romoamɨrita jare neäka ayasɨata, jare ameeta añave nderete jare filisteo reta jetegüe chucha reta pe jare mbaeporou reta ñana rupigua pe; jökorai opaete ɨvɨ ipo reta oikuaata Tumpa oime ko Israel iñemuña reta ndive vae.