Apocalipsis 18:23 - Biblia Guarani Tumpa Iñee

²³ Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Nuevo Testamento Guaraní Pe

²³ Jae ramiño vi ngaraa ye ma jendɨ joco pe mechero. Jae ramiño vi ngaraa ye ma quia omenda joco pe. Echa omaemee vae joco pe yogüɨreco vae reta oñemboeteucase yae iru vae reta pe. Erei Babilonia pegua reta ombotavɨ opaete ɨvɨ pegua reta paye reta oyapo vae pe —jei.

Apocalipsis 18:23 ပူးပေါင်းရင်းမြစ်များ

2 REYES 9:22

Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

JOB 21:17

¿Kërai yave pa ogüe jeko pɨ̈chɨi vae jembipe? ¿Kërai yave pa jae reta osusere? ¿Yerae pa Tumpa iyarasɨ ikotɨ reta, jare oiporarauka chupe reta?

PROVERBIOS 24:20

Echa jeko kavimbae reta, ngaraa yogüɨreko kavi, ngaraa yogüɨreko puku iyoa vae reta.

ISAÍAS 23:8

¿Kia pa jei körai kuae Tiro kotɨ? Pɨpegua omaemee vae reta ko mburuvicha yepi, pɨpegua omaemee vae reta ko oikokatu vae kuae ɨvɨ pe.

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

JEREMÍAS 16:9

Echa che ndeYa Imbaepuere yae ete vae, Israel iTumpa, amombeu: Kuae ɨvɨ pe ayasɨata perovake, peikove peiko ramboeve opaete tairari reta, jare yerovia katu reta, jare tairari reta menda pegua.

JEREMÍAS 25:10

Amokañɨta chugüi reta tairari reta vɨakatu pegua jare yerovia pegua, jare tairari mendaa pegua, ombaeso vae ave ngaraa ma oyeendu ani mechero ave ngaraa ma jendɨ oyekuaa.

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

NAHUM 3:4

Nínive iyaguasa pota yae jeko pegua, jókuae ipɨakavi jare ipöra yae vae, mbaekuaa re oporomboe vae, aguasa reta rupi jare mbaekuaa rupi ombotavɨ tëta pegua reta jare tëtaguasu pegua reta vae.

Hechos 8:11

Jáeramo opaete vae oyeapɨsaka kavi jese. Echa jae ichoropa rupi ɨma ma ombotavɨ güɨreko reta.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 17:2

Ɨvɨ pegua mburuvicha guasu reta oyapo aguasa jókuae kuña ndive, ɨvɨ pegua reta jou vino rami jókuae teko ikavimbae vae.”

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

Apocalipsis 18:22

Ngaraa ye ma oyeendu arpa reta ipu, mimbɨñee reta, mimbɨguasu iñee reta; jaeramiño vi ipoki ombaapo vae reta ngaraa ye ma oime ndepɨpe ani ombaeso vae reta ave ngaraa ye ma oyeendu ndepɨpe.

Apocalipsis 18:3

Echa opaete tëtaguasu reta jou vino rami jókuae teko ikavimbae vae; jare mburuvicha guasu reta ɨvɨ pegua oyapo aguasa jae ndive, jare ɨvɨ pegua reta omaemee vae oyemboikokatu imbaepotarai re.”

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

Apocalipsis 6:15

Jare mburuvicha guasu reta ɨvɨ pegua, mburuvicha reta, oikokatu vae reta, sundaro ruvicha reta, mbaepuere güɨnoi vae reta, jare opaete tembiokuai reta jare opaete tembiokuaimbae reta oñemi ɨvɨkua reta rupi jare itakua ɨvɨtɨ rupigua reta rupi;

Apocalipsis 9:21

jare mbaetɨ oyepoepɨ reta oporoyuka vae güi, mbaekuaa güi, aguasa ani imonda reta güi.