Apocalipsis 17:18 - Biblia Guarani Tumpa Iñee

¹⁸ Jare jókuae kuña reecha vae jae ko tëta guasu opaete ɨvɨ pegua mburuvicha guasu reta re mbaepuere güɨnoi vae.”

Nuevo Testamento Guaraní Pe

¹⁸ Jare jocuae cuña reecha vae oñemojaanga jocuae tenta tuicha vae opaete ɨvɨ pegua mburuvicha guasu reta re mbaepuere güɨnoi vae re —jei.

Apocalipsis 17:18 ပူးပေါင်းရင်းမြစ်များ

DANIEL 7:23

Jare jei ye: ‘Irundɨa mbaeporou jae ko, irundɨa mborookuaía ɨvɨ iárambo oimeta vae, jókuae mborookuaía ambuaeyeeta opaete ïru reta güi. Omokañɨteita opaete ɨvɨ pegua reta, opɨ̈rota jese reta jare opata omonguruvi.

San Lucas 2:1

Jókuae ara rupi, mburuvicha guasu Augusto César jee vae omee mborookuai opaete vae oyepapauka vaerä.

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.

Apocalipsis 12:4

Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.