Apocalipsis 16:21 - Biblia Guarani Tumpa Iñee

²¹ Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.

Nuevo Testamento Guaraní Pe

²¹ Jare oa ara güi amandau tuicha vae ɨvɨ pegua reta re. Jare amandau ñavo ipoɨ cincuenta kilo rupi. Jare ɨvɨ pegua reta jei icavi mbae vae Tumpa cotɨ amandau jeco pegua. Echa amandau oiporarauca yae ɨvɨ pegua reta pe.

Apocalipsis 16:21 ပူးပေါင်းရင်းမြစ်များ

JOB 38:22

¿Reike pa remae iroɨ jɨru pe, ani amandau jɨru pe?

JOB 38:23

Añovatu mbɨatɨtɨ iara peguarä jare ñoraro reta iara peguarä vae.

ÉXODO 9:18

Mase, pɨareve koyave ambouta yavaetegüe amandau, Egipto arakae oikoɨpɨ ramo güive añave rupi mbaetɨi oime kuae nunga vae.

ÉXODO 9:22

YandeYa jei Moisés pe: —Emopüa ndepo ara kotɨ oa vaerä amandau opaete ɨvɨ Egipto pe, kuimbae reta re jare mɨmba reta re jare opaete ñana reta re ɨvɨ Egipto pe.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 8:21

Jeta vae reta oguatata oipota rupi, oiporara reve jare yɨmbɨaɨ reve; jare yɨmbɨaɨ güi pochɨ retata, jare oyangao retata juvicha guasu jare iTumpa, omae reve ara kotɨ,

EZEQUIEL 13:11

Emombeu jókuae oguambɨ omotɨnɨe tuyuapoiño pe vae reta pe, jókuae oguambɨ osururuta ko; echa outa ama guasu, jare oata amandau ita rami jare ɨvɨtuai oyepeyu täta vae oitɨta.

EZEQUIEL 13:13

Jáeramo che peYa jae: Chearasɨ rupi ambouta ɨvɨtuai omboai vaerä jókuae oguambɨ; chearasɨ rupi ambouta ama guasu jare amandau ita rami vae omboai vaerä.

JOSUÉ 10:11

Jare otekuarai yogüɨraja ramboeve Israel iñemuña reta güi, Bet-horón güi yagüeyɨa pe, yandeYa oitɨ jese reta amandau tuichagüe jare oyuka jeta amorreo reta Israel iñemuña reta oyuka vae güi.

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.