Apocalipsis 15:2 - Biblia Guarani Tumpa Iñee

² Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae.

Nuevo Testamento Guaraní Pe

² Jare aecha ɨ guasu vidrio pegua vae tata ndive oyeagüe vae echa vae. Jare jocuae maemɨmba guasu ɨ guasu güi oe vae jare jaanga jare imarca jare jee inúmero omoamɨri vae reta oñemboɨ ñogüɨnoi jocuae ɨ guasu vidrio pegua vae re, jare güɨnoi arpa reta Tumpa omee chupe reta vae.

Apocalipsis 15:2 ပူးပေါင်းရင်းမြစ်များ

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Pedro 4:12

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 13:17

Jare oime yave kia jókuae tenondegua mbaemɨmba guasu ikañɨmaa ani jee ani inúmero mbaetɨ güɨnoi vae, mbaetɨ ipuere ombaegua ani omaemee.

Apocalipsis 21:18

Jare tëta guasu ikësea ita ipöra yae vae jaspe jee vae pegua ko. Ërei tëta guasu etei oro oyeambae pegua, vidrio jësaka ikɨambae rami.

Apocalipsis 4:6

Jare jókuae tenda jóvai oï ɨguasu vidrio rami vae. Jókuae tenda iyɨ́vɨri rupi oï irundɨ oikove vae reta, jeta jesa vae, jenonde jare jaɨkue kotɨ.

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;