Apocalipsis 14:2 - Biblia Guarani Tumpa Iñee

² Jare aendu ñee ara güi täta jɨapu jeta ɨ vae jɨapu rami jare ararɨapu täta vae rami. Jókuae ñee jeta vae arpa imbopúa reta ombopu vae rami.

Nuevo Testamento Guaraní Pe

² Jare aendu ñee ara güi. Jɨapu yae ɨ guasu jɨapu rami jare ara jɨapu yae rami. Jare aendu vi arpa ombopu vae reta iarpa ombopu ñogüɨnoi.

Apocalipsis 14:2 ပူးပေါင်းရင်းမြစ်များ

2 SAMUEL 6:5

David jare opaete Israel iñemuña reta yogüɨraja yogüɨreko Tumpa jóvai, güɨropo reve jare ombopu reve arpa, ngitara, angúa raɨ, mimbɨ jare platillo.

2 CRÓNICAS 20:28

Jare yogüeru reta oväe Jerusalén pe yave yogüɨraja reta tupao guasu kotɨ ngitara, arpa ombopu reve jare mimbɨguasu omoñee reve.

SALMOS 147:7

Petairari yandeYa pe, tairari mbaemboete pegua, petairari ñaneTumpa pe arpa ndive.

SALMOS 149:3

Pemboete jee peropo reve, petairari chupeguarä angúa raɨ jare arpa ipu rupi.

SALMOS 33:2

Peräsémbai pesapúkai yandeYa pe, tembiporu tairari pegua arpa ipu ndive, ngitara ndive jare arpa rami vae ndive.

SALMOS 43:4

Taja taväe, ndembae mɨmba oyeyuka oyeapɨ jese vae pe, joko pe toromboete arpa ndive, yerovia reve cheRu Tumpa.

SALMOS 57:8

Tapüa ndeimboveasɨ; arpa jare ngitara, epa.

SALMOS 92:3

arpa rami vae ndive oyembopu reve, ngitara ndive jare arpa ipu mbegüe jare ipu pöra pe!

SALMOS 93:4

ɨvate rupi, nde cheYa ndembaepuere yae ete ko, ɨ jeta vae jɨapu güi, ani ɨguasu iyɨaparúa yavaete yae vae güi.

SALMOS 98:5

Petairari salmo reta yandeYa pe arpa ndive, arpa ndive petairari.

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

EZEQUIEL 43:2

jare aecha Israel iTumpa iyemboetea ou kuaraɨ oëa kotɨ güi. Jɨapu oyeendu ɨ tuicha yae vae jɨapu rami, jare ɨvɨ jembipe Tumpa iyemboetea oyekuaa jeko pegua.

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

1 Corintios 13:1

Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 1:15

Ipɨ jembipe jiero iyu vae horno pe oyepiro vae rami. Jare iñee jɨapu tororomba pe ɨ jɨapu rami.

Apocalipsis 11:12

Jayave oyeendu ñee ara güi, iñeeäta reve jei chupe reta: “¡Peyeupi kuae kotɨ!” Jayave oyeupi reta ojo ara kotɨ amapɨtu re. Jare jovaicho reta oecha.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 15:2

Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae.

Apocalipsis 18:22

Ngaraa ye ma oyeendu arpa reta ipu, mimbɨñee reta, mimbɨguasu iñee reta; jaeramiño vi ipoki ombaapo vae reta ngaraa ye ma oime ndepɨpe ani ombaeso vae reta ave ngaraa ye ma oyeendu ndepɨpe.

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;

Apocalipsis 6:1

Jare aecha Vecha kuimbae taɨrusu vae oipea metei jókuae tembikuatía imboyaa. Jayave aendu metei oikove vae reta güi jei: “Eyu” ara jɨapu vaeecha oyeendu iñee.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.