Apocalipsis 14:18 - Biblia Guarani Tumpa Iñee

¹⁸ Jare ïru araɨgua oë mɨmba oyeyukagüe oyeapɨ jesea güi güɨnoi mbaepuere tata re vae, jae oenɨi osapúkai reve araɨgua hoz jaimbe vae güɨnoi vae, jei reve: “¡Eiporu hoz jaimbe vae renoi vae jare eipoo ɨvɨ pegua uva reta, echa yagüɨye ma!”

Nuevo Testamento Guaraní Pe

¹⁸ Jare iru araɨgua oe maemɨmba oyeyucagüe oñererocuaveea güi. Jae güɨnoi mbaepuere tata re. Jare iñeeata reve jei araɨgua hoz jaimbe vae güɨnoi vae pe: —Eiporu hoz jaimbe vae renoi vae jare earɨvo ɨvɨ pegua uva reta. Echa yagüɨye yae ma uva reta —jei.

Apocalipsis 14:18 ပူးပေါင်းရင်းမြစ်များ

JOEL 3:13

Echa jae reta iyoa yae ko, peyasɨa trigo yagüɨyegüe rami, echa mbaarɨvo iara ma ko; peumbiri uva rami, echa jaekavi yae ma vino oyeapo vaerä.

San Marcos 4:29

Jare yagüɨye ma yave, iya oarɨvo. Echa oväe ma ara oyearɨvo vaerä.”

Apocalipsis 16:7

Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”

Apocalipsis 16:8

Jare araɨgua irundɨa opɨyere kopa güɨnoi vae kuaraɨ re, jare oñemee kuaraɨ pe mbaepuere oapɨ vaerä ɨvɨ pegua reta.

Apocalipsis 8:3

Jayave ou ïru araɨgua oyemboɨ mɨmba oyeyukagüe oyeapɨ jese vae jóvai, jare güɨnoi ikäti kavi vae incienso oyeapɨ pɨpe vae oro pegua. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae.