Apocalipsis 14:15 - Biblia Guarani Tumpa Iñee

¹⁵ Jare tupao güi oë ïru araɨgua jare iñeeäta reve jei amapɨtu re oguapɨ oï vae pe: “¡Eiporu jókuae hoz jare embaarɨvo! Echa mbaarɨvo iara ou ma oväe, echa mbaagüɨye ma ɨvɨ pe.”

Nuevo Testamento Guaraní Pe

¹⁵ Jare metei araɨgua oe Tumpa jo güi jare iñeeata reve jei amapɨtu re oguapɨ oi vae pe: —Eiporu jocuae hoz renoi vae rembaarɨvo vaera. Echa ou ma ovae rembaarɨvo vaera. Echa yagüɨye yae ma ɨvɨ pe oi vae. Icavi co rembaarɨvo vaera —jei.

Apocalipsis 14:15 ပူးပေါင်းရင်းမြစ်များ

GÉNESIS 15:6

Jayave Abram güɨrovia yandeYa, jókuae iporogüɨrovia rupi omae jese jupi.

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

JOEL 3:13

Echa jae reta iyoa yae ko, peyasɨa trigo yagüɨyegüe rami, echa mbaarɨvo iara ma ko; peumbiri uva rami, echa jaekavi yae ma vino oyeapo vaerä.

San Mateo 13:30

Tokuakuaa päve mókoi reve trigo yaipoo regua. Jare yaipoo ma yave, jaeta ombaepoo vae reta pe: Pemboatɨ räri trigoraanga peyokua peapɨ vaerä. Ërei pemboɨru trigo cheavatío pe.’ ”

San Mateo 13:39

Jókuae, ko iya jovaicho trigoraanga oñotɨ vae oyembojaanga aña guasu re. Mbaepoo oyembojaanga kuae ɨvɨ iyapɨta vae re. Ombaepoo vae reta oyembojaanga araɨgua reta re.

San Mateo 23:32

Pe reta ikavi ko peyapo voi mo peñemuñagüe oyapo rami.

San Marcos 4:29

Jare yagüɨye ma yave, iya oarɨvo. Echa oväe ma ara oyearɨvo vaerä.”

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 13:12

Jare imbaepuere oyovake jókuae tenondegua mbaemɨmba guasu ndive, jare oyókuai opaete ɨvɨ pegua reta omboete vaerä jókuae tenondegua mbaemɨmba guasu ipere güi okuera vae.

Apocalipsis 14:14

Amae jare aecha amapɨtu tïi vae jare jókuae amapɨtu re oguapɨ oï Kuimbaerä oyeapo vaeecha vae. Jare iñäka re güɨnoi äka-regua oro pegua, jare ipo pe metei hoz jaimbe vae.

Apocalipsis 14:16

Jare amapɨtu re oguapɨ oï vae oiporu hoz güɨnoi vae ɨvɨ re jare oarɨvo ɨvɨ pe oï vae.

Apocalipsis 14:17

Jare ïru araɨgua oë tupao ara pe oï vae güi, jae güɨnoi vi hoz jaimbe vae.

Apocalipsis 14:18

Jare ïru araɨgua oë mɨmba oyeyukagüe oyeapɨ jesea güi güɨnoi mbaepuere tata re vae, jae oenɨi osapúkai reve araɨgua hoz jaimbe vae güɨnoi vae, jei reve: “¡Eiporu hoz jaimbe vae renoi vae jare eipoo ɨvɨ pegua uva reta, echa yagüɨye ma!”

Apocalipsis 15:6

Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe.

Apocalipsis 16:17

Jare araɨgua chiúa opɨyere kopa güɨnoi vae ɨvɨtu re. Jare oyeendu metei ñee tätagüe ara pegua tupao güi, Tumpa iguapɨa güi, jei reve: “¡Oyeapo ma!”

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”