Apocalipsis 14:14 - Biblia Guarani Tumpa Iñee

¹⁴ Amae jare aecha amapɨtu tïi vae jare jókuae amapɨtu re oguapɨ oï Kuimbaerä oyeapo vaeecha vae. Jare iñäka re güɨnoi äka-regua oro pegua, jare ipo pe metei hoz jaimbe vae.

Nuevo Testamento Guaraní Pe

¹⁴ Jare aecha amapɨtu ti vae jare jocuae amapɨtu re oguapɨ oi cuimbaera oyeapo vae echa vae. Jare iñaca re güɨnoi iñaca regua oro pegua vae, jare oipɨɨ metei hoz jaimbe vae.

Apocalipsis 14:14 ပူးပေါင်းရင်းမြစ်များ

SALMOS 21:3

Echa reë reövaiti ndeporerekua ikavi vae ndive, äka-regua oro ikɨambae reñono iñäka re.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

EZEQUIEL 1:26

Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

San Mateo 13:30

Tokuakuaa päve mókoi reve trigo yaipoo regua. Jare yaipoo ma yave, jaeta ombaepoo vae reta pe: Pemboatɨ räri trigoraanga peyokua peapɨ vaerä. Ërei pemboɨru trigo cheavatío pe.’ ”

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Marcos 4:29

Jare yagüɨye ma yave, iya oarɨvo. Echa oväe ma ara oyearɨvo vaerä.”

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

Hebreos 2:9

Ërei yaikuaa ko Jesús, Tumpa omomichi mí araɨgua reta güi vae tuichagüe yae jare imboetea yae, imano jeko pegua. Jökorai Tumpa ipɨakavi jeko pegua omano opaete re.

Apocalipsis 1:13

jare aecha jókuae chiu mechero jenda reta ipɨte pe metei Kuimbaerä oyeapo vaeecha vae, jemimondo puku ojoi oa ipɨ re vae, jare aecha oyekuakua metei kuakuaa ipeguasu yae vae oro pegua pe.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 11:17

jei reta reve: “Romee yasoropai ndeve oreYa Tumpa Imbaepuere yae ete vae, nde ko iyɨpɨ güive, añave jare reyuta vae, echa reipɨɨ ndembaepuere tuicha yae vae, jare añave reporookuai reï.

Apocalipsis 19:12

Jesa tata jendɨ vae rami ko, jare iñäka re güɨnoi jeta äka-regua reta. Jare oyekuatía oï jese metei tee, mbaetɨ kia oikuaa vae, jaeño etei oikuaa.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 6:2

Amae jare aecha metei kavayu tïi vae, jare opo kavayu re vae güɨnoi güɨrapa. Jare oñemee chupe äka-regua, oë oporomoamɨri vae oporomoamɨri vaerä.