Apocalipsis 13:15 - Biblia Guarani Tumpa Iñee

¹⁵ Jare jókuae mbaemɨmba guasu taɨkue aecha vae güɨnoi mbaepuere omee vaerä tekove jókuae ïru mbaemɨmba guasu iä pe, jare imiari vaerä jare oyukauka vaerä opaete ñäteɨ omboete vae.

Nuevo Testamento Guaraní Pe

¹⁵ Jare jocuae maemɨmba guasu taɨcue aecha vae güɨnoi mbaepuere omee vaera tecove jocuae iru maemɨmba guasu jaanga pe, jocuae jaanga imiari vaera. Jare oyucauca opaete ñateɨ omboete maemɨmba guasu jaanga vae reta.

Apocalipsis 13:15 ပူးပေါင်းရင်းမြစ်များ

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

SALMOS 115:5

Oime iyuru, ërei mbaetɨ imiari, oime jesa reta, ërei mbaetɨ oecha,

JEREMÍAS 10:14

Opaete kuimbae reta yarakuaambae ko. Tumpa-raanga omondɨkui oyapo vae oñemomaraiukata opɨta, echa ko jembiapo reta oporombotavɨ, mbaetɨ jekove;

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

JEREMÍAS 51:17

Yarakuaambae ko opaete kuimbae reta. Imara opaete tumpa-raanga reta iyapoa, echa jembiapo reta yembotavɨ ko, mbaetɨ jekove.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!

Santiago 2:26

Echa yanderete jekovembae, omano ma ko. Jökorai vi mborogüɨrovia jembiapo oyekuaambae, mbaeä etei ko.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 13:12

Jare imbaepuere oyovake jókuae tenondegua mbaemɨmba guasu ndive, jare oyókuai opaete ɨvɨ pegua reta omboete vaerä jókuae tenondegua mbaemɨmba guasu ipere güi okuera vae.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 14:11

Jare jembiporara jätati oyeupi jekuaekuae avei rupi. Jare mbaetɨ oputuu reta ara rupi ani pɨ̈tu rupi, jókuae mbaemɨmba guasu jee oyekuatía jese vae.

Apocalipsis 14:9

Jare araɨgua mboapɨa ïru jaɨkue ou vae jei iñeeäta reve: “Oime yave kia jókuae mbaemɨmba guasu ɨguasu güi oë vae jare iä omboete jare ikañɨmaa jesɨva re ani ipo re güɨnoi vae,

Apocalipsis 16:2

Jayave tenondegua araɨgua ojo opɨyere kopa güɨnoi vae ɨvɨ re, jare opa ombopere omojemɨi jare jasɨ yae reve ɨvɨ pegua reta, jókuae mbaemɨmba guasu ikañɨmaa güɨnoi vae, jókuae mbaemɨmba guasu iä omboete vae reta.

Apocalipsis 16:5

Jare aendu araɨgua ɨ re mbaepuere güɨnoi vae jei: “OreYa Tumpa, nde ko jupi vae, iyɨpɨ güive jare añave reiko vae, Iyoambae vae, echa rejäa opaete mbaembae,

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 17:17

echa Tumpa oñono ipɨa reta pe oyapo reta vaerä jae jemimbota, omometei vaerä iyemongeta jare omeeta iporookuaía reta mbaemɨmba guasu pe, oyembopo regua Tumpa jei vae.

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 18:24

Echa kuae tëta guasu pe oñeväe ñeemombeúa reta jugüɨ, oporogüɨrovia vae reta jugüɨ jare opaete ɨvɨ pe oyeyukauka vae reta jugüɨ.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.