Apocalipsis 13:13 - Biblia Guarani Tumpa Iñee

¹³ Oyapo vi mɨakañɨ reta tuichagüe, tata ave ombou ara güi ɨvɨ pegua reta jovake.

Nuevo Testamento Guaraní Pe

¹³ Jare maemɨmba guasu taɨcue aecha vae oyapo jeta mɨacañɨ reta. Echa jae mbae oyapo tata ou vaera ara güi ɨvɨ pegua reta jovaque.

Apocalipsis 13:13 ပူးပေါင်းရင်းမြစ်များ

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

ÉXODO 7:22

Ërei Egipto pegua imbaekuaa vae reta jökorai etei vi oyapo reta imbaekuaa rupi, jare Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 8:7

Jare imbaekuaa vae reta oyapo vi jökorai imbaekuaa rupi, omboyekuaa reta vi jeta pïte opaete ɨvɨ Egipto rupi.

ÉXODO 9:11

Jare imbaekuaa vae reta mbaetɨ ipuere yogüeru oyovaicho Moisés kotɨ kuru jeko pegua, echa ikuru imbaekuaa vae reta jare opaete Egiptoɨgua reta.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

San Mateo 16:1

Fariseo reta jare saduceo reta yogüeru Jesús oïa pe, jare oiporu reta chupe oechauka vaerä chupe reta mɨakañɨ ara güi oyavɨuka vaerä chupe.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

2 Timoteo 3:8

Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

Apocalipsis 11:5

Oime yave kia oipota tëi oyapo ikavimbae vae jókuae mókoi kuimbae reta pe vae, oëta tata jókuae mókoi kuimbae reta iyuru güi jare opata oapɨ jovaicho reta. Jökoraita omano kia oipota tëi oyapo ikavimbae chupe reta yave.

Apocalipsis 16:14

jae reta ko aña reta iespíritu, mɨakañɨ oyapo vae reta. Jae reta yogüɨraja opaete ɨvɨ rupi mburuvicha guasu reta jëta guasu ñavo rupi omboatɨ oñeraro vaerä Tumpa Imbaepuere yae vae iporojäa iara pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:9

Jare yogüeru opaete Israel pegua reta iɨvɨ rupi jare oñova jókuae tëta guasu Tumpa oaɨu vae, oñeñono tee Tumpa peguarä vae reta yogüɨrekoa. Ërei Tumpa ombou tata ara güi, jare opaetei oapɨ reta.