Apocalipsis 12:14 - Biblia Guarani Tumpa Iñee

¹⁴ Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Nuevo Testamento Guaraní Pe

¹⁴ Erei oñemee cuña pe mócoi güɨraquee tuicha vae ipepo, ipuere vaera oveve ñuu pe oñemi vaera jocuae mboi güi. Jare joco pe amogüe vae omongaru mboapɨ año y medio.

Apocalipsis 12:14 ပူးပေါင်းရင်းမြစ်များ

SALMOS 55:6

Jare jae: “Mbae mona chepepo, aveve vaerä pɨkasu rami; aveveta jare aputuuta tëi ko.

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ISAÍAS 40:31

ërei yandeYa reño oyeko vae reta ipɨ̈rata pɨau aveita; oveve retata güɨraké rami; osɨi retata jare ngaraa ikangɨ, oguata retata jare ngaraa ikangɨ reta.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 8:14

Jare jae jei chupe körai: ‘Dos mil tresciento ara regua. Jókuae jaɨkue rupi o mbaemboetea oyetɨo yeta.’

Apocalipsis 12:6

Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Apocalipsis 17:3

Jayave araɨgua chereraja Espíritu Santo imbaepuere pe ñuu kotɨ. Jare joko pe aecha metei kuña oguapɨ oï metei mbaemɨmba guasu pɨ̈ta vae chiu iñäka vae jare payandepo jäti vae re. Jare jókuae mbaemɨmba guasu re oyekuatía oï jeta tee jare jókuae tee reta rupi jei ikavimbae vae Tumpa kotɨ.