Apocalipsis 11:9 - Biblia Guarani Tumpa Iñee

⁹ Jare opaete tëta reta, ñemuña reta, ñee ambuae mbuae reta jare tëtaguasu reta oecha retata jókuae mókoi kuimbae jëogüegüe mboapɨ ara y medio. Ngaraa omaeño reta kia re oñotɨ vaerä.

Nuevo Testamento Guaraní Pe

⁹ Jare opaete ɨvɨ ñavoñavo pegua reta omaeta jocuae mócoi cuimbae jetegüe re mboapɨ ara y medio pegua. Ngaraa omaeño reta quia re oñotɨ vaera.

Apocalipsis 11:9 ပူးပေါင်းရင်းမြစ်များ

1 REYES 13:22

echa reyerova ye rekaru vaerä jare reɨu, yandeYa ndeokuai agüɨyeta tëi reyapo vae pe, jáeramo mbaetɨta reñeotɨ neñemuñagüe reta jɨvɨa oïa pe.

ECLESIASTÉS 6:3

Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

Apocalipsis 10:11

Jayave araɨgua jei cheve: “Remoërakua ñotai ko Tumpa iñee jeta vae tëta reta pe, tëtaguasu reta pe, ñee ambuae mbuae reta pe jare mburuvicha guasu reta pe.”

Apocalipsis 11:11

Ërei mboapɨ ara y medio oasa ma yave, Tumpa ombou tekove jókuae mókoi tëogüe pe, jare mókoi reve opüa oyemboɨ, jare kuae oecha vae reta täta okɨɨye reta.

Apocalipsis 13:7

Jare Tumpa omaeño jese oñeraro vaerä oporogüɨrovia vae reta kotɨ jare omoamɨri vaerä. Oñemee vi chupe mbaepuere opaete ñemuña, tëta reta, ñee ambuae mbuae jare tëtaguasu reta re.

Apocalipsis 17:15

Jei vi cheve: “Ɨ reta re reecha jókuae kuña iyaguasa pota vae oguapɨ oï vae, oyembojaanga ko tëta reta, jeta yae vae reta, tëtaguasu reta jare ñee ambuae mbuae vae reta re.

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,